Новости

12 июнь С. М. Киров исемендәге Мурманск өлкә мәҙәниәт һәм халыҡ ижады һарайында Бөтә Рәсәй конгресын тантаналы асыу булды. 
Конгресс эшендә М. Х. Төхвәтшин исемендәге һуҡырҙар өсөн Башҡортостан республика махсус китапханаһы директоры Айгөл Әминова ҡатнашты. 
Быйыл Конгресс Мурманск өлкәһенең 85 йыллығына һәм Мурманск дәүләт өлкә универсаль ғилми китапхананың 85 йыллығына арналды. 
Конгресты асыу буйынса материалдар һылтанма (ссылка) буйынса.

12 июнь илебеҙ мөһим дәүләт байрамын билдәләй. Рәсәйҙең үҙаллылығы - ауыр хеҙмәт һәм юғалтыуҙар һөҙөмтәһе. Бөгөнгө көндә был байрам - азатлыҡ, граждандар тыныслығы байрамы. 
9 июнь махсус китапханала байрам программаһы үтте. Ҡатнашыусылар байрамдың килеп сығыу тарихы, мәҙәниәте һәм йолалары менән танышты. Рәсәй тураһында шиғырҙар һәм йырҙар яңғыраны. 
Ошо уҡ көндө, 12 июнь, Өфөнөң тыуған көнө билдәләнә. Китапханасылар "Минең Өфөм" викторинаһын әҙерләне. 

14 июнь М. Х. Төхвәтшин исемендәге һуҡырҙар өсөн Башҡортостан республика махсус китапханаһы белгестәре Белорет ҡалаһында "Мөмкинлектәре сикләнгән кешеләр өсөн мәҙәни ял учреждениелары" тифлосессияһын үткәрәсәк. Тифлосессияла Башҡортостан республика ҡала һәм райондары дөйөм хеҙмәтләндереү китапханаларынан белгестәр ҡатнашасаҡ. 
Китапханасылар мөмкинлектәре сикләнгән граждандарҙың мәғлүмәт алыуға бәйле һорауҙарҙы ҡараясаҡ. 
Ҡатнашыусылар һуҡырҙар өсөн адаптив һәм виртуаль мәғлүмәт биреү үҙенсәлектәре тураһында беләсәк. 

7 июнь, методик эшмәкәрлек сиктәрендә, М. Х. Төхвәтшин исемендәге һуҡырҙар өсөн Башҡортостан республика махсус китапхана хеҙмәткәрҙәре  "Мөмкинлектәре сикләнгән кешеләр өсөн муниципаль китапханалар" тифлосессияһын үткәрҙе. Семинарҙа Мишкә районы дөйөм хеҙмәтләндереү китапхана белгестәре ҡатнашты.