Махсус китапханала Пушкин көндәре

Тап бөгөн, 6 июнь (яңы стиль буйынса) 1799 йылда, Мәскәүҙә Александр Пушкин донъяға тәүге ауаздарын һалған. Совет дәүерендә был байрам Пушкин шиғриәт байрамы булараҡ билдәләнгән. Был ваҡиға Сталин терроры ваҡытында ла тантаналы рәүештә үткәрелгән. Бөйөк шағир, драматург һәм прозаик Александр Сергей улы Пушкин беҙҙең заман рус телен тыуҙырыусы тиһәң дә хата булмаҫ. Китапханасылар ойошторған тура эфирыбыҙ ҙа Бөйөк рус шағирына бағышланды. Балалар өсөн викторина ойошторолдо.