Махсус китапхана Рәсәй Федерацияһы Президенты грантына лайыҡ булды.
2019 йылда уҙғарылған конкурста Мәҙәниәт һәм сәнғәт өлкәһендә ижади проекттарҙы үҫтереү өсөн булдырылған Рәсәй Федерацияһы Президенты гранты өсөн ярышта махсус китапхананың директор урынбаҫары Күсәрбаева Ирина Николай ҡыҙы еңеү яуланы. Ул "Башҡорт халҡының рухы: һуҡырҙар өсөн халыҡ музыка ҡоралдары" күп форматлы әсбап тәҡдим иткәйне.
Әсбап Брайль шрифты, ҙурайтылған шрифт, ҡабарынҡы график һүрәттәр, аудиовариантта ла бирелде. Тарихи, мәҙәни, библиографик материалдарға нигеҙләнә.
Әсбап махсус һәм коррекцион мәктәптәрҙә өҫтәлмә әҙәбиәт булараҡ ҡулланылырға мөмкин.