Ҡорбан байрамына ҡарата...

К истокам духовного наследия мусульманской культуры

Ҡәҙерле уҡыусыларыбыҙ!

Етеп килгән Ҡорбан байрамы менән ҡотлап, һеҙгә һаулыҡ, бәрәкәт һәм уңыштар теләйбеҙ.

Байрам көндәрендә ҡыуаныстарың менән бүлешеү, туғандарың, дуҫтарың, таныштарың менән бүләк өләшеү ғәҙәте һәр халыҡ вәкиленә лә хас. Былтыр Башҡортостан Республикаһы Диниә назараты Һуҡырҙар өсөн Республика махсус китапханаһына Ислам тәғлимәте менән таныштырусы бер-нисә китап бүләк иткәйне.

Ас-саляму аляйкум, ва рахматуллаhи ва баракатуh!

Мир Вам, милость Аллаhа и Его благословение!

«… Знай, что проявление благодарности /ал-шукр/ по отношению к подателю блага является обязанностью благо получателя.
Это диктуется как здравым рассудком, так и шариатом»

Письмо 71 «Мактубат» Ахмад ал-Фаруки ал-Сирхинди

Быйыл беҙҙең китапхана Диниә назараты тарафынан нәшер ителгән “Мосолмандарҙың рухи мәҙәниәте тамырҙарына табан” (“К истокам наследия мусульманской культуры”)(төҙөүсе автор Руслан хәҙрәт Сәйәпов) исемле китаптың һуҡыр һәм насар күреүсе ҡулланыусылар өсөн виртуаль вариантын эшләне. Йыйынтыҡты яҙыусы, РФ һәм Башҡортостан Яҙыусылар идаралығы ағзаһы Фәрзәнә Ғөбәйҙуллина уҡыны.

Йыйынтыҡҡа XIX быуаттан алып, XX быуат башына тиклем яҙылған хеҙмәттәр ингән. Башҡорт ғалимы, тел белгесе, теолог, төркиәтсе, яҙыусы, мәғрифәтсе Ризаитдин Фәхретдиновтың һәм башҡа авторҙарҙың хеҙмәттәре урын алған.

Баҫманың мөхәррирҙәре – М.Аҡмулла исемендәге БДПУ профессоры Т.М. Әминев, БР Диниә назараты мөфтөйө Н.М. Ниғмәтуллин һәм башҡа ғалимдар, дин белгестәре.

Мосолман донъяһының бай мәҙәниәте тураһында бәйән иткән был китап киң ҡатлам уҡыусылар өсөн тәғәйенләнгән. Уны беҙҙең китапхана сайтындағы “һөйләшеүсе” электрон китаптар бүлегендә табырға була.