Халыҡ-ара Оҙатыусы эттәр көнөнә

Был көндө Мәкәрим Хөсәйен улы Төхвәтшин исемендәге һуҡырҙар өсөн Башҡортостан республика махсус китапханаһында "Аҡтырнаҡ" оҙатыусы эттәр клубы ағзаларының осрашыуы үтте. Осрашыуҙа Өфө ҡалаһының 28-се мәктәп-интернаты уҡыусылары ҡатнашты. 
Балалар Михаил Самарскийҙың "Дуҫым өсөн йәйғор" балалар китабы буйынса викторинала, квеста ҡатнаштылар. Шулай уҡ Өфө ҡалаһының Үҙәкләшкән балалар китапханалары системаһы хеҙмәткәрҙәре волонтерҙар командаһы менән бергә мастер-класс күрһәтте.