“Йәшә, китап” йыллыҡ акцияһы.

Рәсәй Федерацияһының экологик хәлен үҫтереүгә йәмәғәтте ылыҡтырыу, биологик төрҙәрҙе һаҡлау маҡсатында 2017 йыл экология йылы тип иғлан ителде.  
Беҙҙең республикала 3 заповедник (Башҡорт, Көньяҡ-Урал, Шүлгәнташ заповедниктары), дарыу үләндәрен һаҡлау буйынса 12 заказник, 15 һунар заказнигы, Башҡорт милли паркы, 2 тәбиғәт паркы, 150-нән ашыу тәбиғәт ҡомартҡылары бар.  Һаҡ аҫтына алынған тәбиғәт территорияһы 1226 га майҙанды биләй. 
Урмандар республиканың 40% территорияһын ала. Унда төрлө-төрлө ағастар үҫә.  
Шулай уҡ, 77 төр һөтимәрҙәр, 300-ҙән ашыу ҡоштар төрө, 42 төр балыҡ, 11 төр һөйрәлеүселәр, 15 меңдән ашыу бөжәктәр төрө, 276 төр үрмәкселәр, 73 төр талпан,  һ.б. иҫәпләнә. Ҡыҙыл китапҡа 18 төр һөтимәрҙәр, 49 төр ҡош, 7 төр балыҡ һ.б. индерелгән.  
Тап шуға күрә лә, Башҡортостан тәбиғәте “Йәшә, китап” акцияһының темаһына әйләнде.  
Китапхана хеҙмәткәрҙәре 28-се мәктәп-интернат уҡыусыларына ҡайһы бер хайуандар тураһында һөйләне. Йәнлектәр хаҡында шиғырҙар, йомаҡтар, әкиәттәр иҫкә алынып үтте.