Талха Ғиниәтуллин "Һуғыштың бәғерһеҙ проза йырсыһы.

14 май махсус китапханала   Талха Ғиниәтуллиндың тыуыуына 95 йыл тулыуға арналған онлайн күргәҙмә презентацияһы булды. 
Талха Ғиниәтуллин 1925 йылдың 20 апрелендә донъяға килә. Совет һәм Рәсәй яҙыусыһы, прозаик, Башҡортостандың халыҡ яҙыусыһы, республика мәҙәниәтенең атҡаҙанған хеҙмәткәре. Учалы районы Ураз ауылында тыуған. Ташкентта ФЗУ-ла уҡый. Рус телен бары 16 йәшендә өйрәнә башлай. 1943 йылда фронтҡа алына. 
50-се йылдар башында һуғыш тураһында хикәйәләр яҙа башлай. Тәүге баҫмаһы 1961 йылда "Халыҡтар дуҫлығы" журналында донъя күрә. Рус телендә ижад итә. 
2000 йылдарҙа Талха Ғиниәтуллин әҫәрҙәре башҡорт теленә әүҙем тәржемә ителә башлай.