Регион-ара конференцияла ҡатнашыу

Мәкәрим Хөсәйен улы Төхвәтшин исемендәге һуҡырҙар өсөн Башҡортостан республика махсус китапханаһы хеҙмәткәре Резяпкина Татьяна регион-ара онлайн конференцияла ҡатнашты. Конференция ойоштороусыһы: һуҡырҙар өсөн Тула өлкә махсус китапханаһы. 

Татьяна үҙенең "Һуҡыр балаларҙың тактиль донъяһы: М. Х. Төхвәтшин исемендәге һуҡырҙар өсөн Башҡортостан республика махсус китапханаһының тәжрибәһе" доклады менән сығыш яһаны. Ул һуҡыр балалар өсөн тактиль китаптар яһау тәжрибәһе менән уртаҡлашты. 
Шулай уҡ, конференция эше барышында үҙ тәжрибәләре менән Рәсәйҙең башҡа региондарында эшләгән белгестәр ҙә бүлеште.