Онлайн уҡыу

Һуҡырҙар өсөн Башҡортостан республика махсус китапханаһы сайтының хөрмәтле ҡулланыусылары! 

Һеҙҙең иғтибарға, сайттағы ҡайһы бер үҙгәрештәрҙе тәҡдим итәбеҙ. “Һуҡырҙар өсөн интернет уҡыу” проекты РФ мәҙәниәт министерствоһынан финанс ярҙам күрҙе. Шуға бәйле “һөйләй торған” китаптар базаһының мөмкинлектәре артты.  

Беҙҙең уҡыусылар хәҙер китаптарҙы өйҙән сыҡмайынса ла ала алалар. Виртуаль китапханала, хеҙмәткәрҙәр, уҡыусыларҙың теләктәрен күҙ уңында тотоп, күләмле китаптар әҙерләгәндәр. 

Китапханаларҙа документтарҙы онлайн тапшырыу технологияһы 10 йыл элек тиерлек үк булдырылған, әммә әлеге ваҡытта автор хоҡуғын да иҫәпкә алмай булмай. Шуға күрә Рәсәйҙең махсус китапханалары, ҡулланыусыларына, һаҡланған форматта, пароль менән генә күсереп алырға мөмкинлек бирә.  

Ошоноң менән бәйле беҙҙең китапханала күсереп алыу статистикаһы артты. Ҡарап тороуға был ябай китаптарҙы алған кеүек, әммә был осраҡта китаптың оригиналы китапханала ҡала, шуға күрә, ҡулланыусы уны кире ҡайтармаһа ла була. Интернет уҡыуҙа бер ҡасан да бестселлерҙарға сират юҡ. Кәрәкле аудиофайлды Интернет аша, тәүлектең теләһә ниндәй сәғәтендә лә күсереп була. Китапты флеш-картаға яҙҙырырға һәм тифлофлешплеерҙа тыңларға кәрәк.