"Мөмкинлектәр сикле, әммә һәләттәр сикһеҙ"

14 сентябрь ауыл-ара Үҙәк китапханала Мехроб Назаров менән тура эфир үтте. 
2015 йылда, студент сағында, ул умыртҡа һөйәк муйынын йәрәхәтләндерә. Әммә егет юғалып ҡалмай. "Маҡсатыма бәләкәй аҙымдар менән" - уның тормош девизына әйләнә. 
Мехроб, институт тамамлағандан һуң, машина төҙөү заводында эшләй. Ул мөмкинлектәре сикләнгән кешеләр өсөн коляска проектын нисек яһауы тураһында һөйләне. Мехроб аҙ мобилле кешеләрҙең уңайлығы өсөн коляска моделен яһай. "Коляска - хәрәкәт итеү сараһы ғына түгел, ә уҡыу, эшләү, спорт менән шөғөлләнеү мөмкинлеге лә буласаҡ", - тине эфир ҡунағы. 
Киләсәктә Мехроб колясканы презентацияларға уйлай.