Махсус китапханала "Блокада икмәге" тактиль күргәҙмәһе ҡунаҡта

26 ғинуар махсус китапханала Бөйөк Ватан һуғышы ваҡытындағы артефакттар күргәҙмәһе үтте. Күргәҙмәне ойоштороусы: Башҡортостан Республикаһиында Рәсәй эҙләү хәрәкәте. Күргәҙмә Ленинград блокадаһын өҙөүгә 80 йыл тулыуға бағышлана. 
Күргәҙмә экспонаттарын "Эҙләү" отряды командиры, "Баш ҡала ҡаҙанышы" премияһы лауреаты Елена Вязовцева тәҡдим итте. Бөтә экспонаттар ҙа Брайль шрифлы этикетаждар менән бирелгән. Ишетеү яғынан сикләнгәндәр өсөн сурдотәржемә булдырылды. 
Күргәҙмә әле тамам, ләкин йәй миҙгелендә ул махсус китапханаға әйләнеп ҡайтасаҡ.