Күргәҙмә-инсталяция 

Махсус китапхананың хеҙмәтләндереү бүлегендә "Һуҡырҙар өсөн китаптарҙың барлыҡҡа килеүе һәм үҫеше: Брайль шрифлы ҡулъяҙманан алып флешкарталарҙағы "һөйләй торған" китаптарға тиклем" күргәҙмә-инсталяцияһы асылды. 

Күргәҙмә һуҡырҙар өсөн китаптарҙың бөтә алыҫ юлын аса: тәүге ҡағыҙҙағы яҙмалар, үҙ эсенә киң донъяны һыйҙырған кескәй флешкарталар. 
Элек-электән кешеләр донъяға яраҡлашыу ысулдарын эҙләгән. 14 йәшендә һуҡыр ҡалған Луи Брайль һуҡырҙар өсөн алты нөктәгә нигеҙләнгән алфавит уйлап таба. Ул әлеге мәлдә лә бөтә донъяла һуҡырҙар тарафынан уңышлы ҡулланыла. Брайль шрифы менән яҙыуҙа грифель һәм рамка ҡулланыла. 
Күреү һәләтенән яҙыусылар мәғлүмәтте тауыш һәм тотоп ҡарау ярҙамында ала. Яҡындағы кешеләр һуҡырҙарға эргәлә барған ваҡиғаларҙы һөйләп аңлата барған. Шулай итеп тифлокомментарийлау барлыҡҡа килгән. Һуҡырҙарға икенселәр тауыштан китап уҡығандар. Ошолар тауышлы "һөйләй торған китаптар" нигеҙенә ингән дә инде. Грампластинкаларға музыкаль әҫәрҙәр, китаптар, дәрестәр, әкиәттәр яҙҙырылған. Тора бара уларҙы магнитофон алыштыра. Ә хәҙерге заманда китаптар кескәй флешкарталарҙа йөрөй. 
Күргәҙмәлә уникаль һәм эксклюзив әйберҙәр - грифель, Брайль буйынса әсбаптар, төрлө техника, ҙур раритет магнитофон Эльфа һ. б. тәҡдим ителә.