Халыҡ-ара һуҡырҙар көнөнә
24 сентябрь Халыҡ-ара һуҡырҙар көнөн тәбрикләүгә бағышланған “Йөрәгең менән тыңла” акцияһы рамкаһында махсус китапханала әҙәби калейдоскоп уҙғарылды. Сарала 28-се коррекцион мәктәп-интернатының 6-сы клас уҡыусылары ҡатнашты.
Сара барышында балаларға китапхана үҙенсәлектәре, Брайль шрифты менән баҫтырылған китаптар менән таныштырҙылар.
Тәрбиәләнеүселәр ребустар сисеүҙә, башҡа төрлө уйындарҙа ҡатнаштылар. Сара аҙағында уларға “Өс баһадир: ат менән йөрөш” йәнһүрәтен күрһәттеләр.
Сара сурдотәржемә менән оҙатылып барҙы.