Борис Пастернактың поэзия сәғәте
Махсус китапханала рус шағиры Борис Пастернактың тыуыуына 130 йыл тулыу айҡанлы поэзия сәғәте үтте. Китапханасылар ҡунаҡтарға шағирҙың тормош һәм ижад юлы тураһында һөйләнеләр. Сарала шағирҙың билдәле шиғырҙары, музыкаль әҫәрҙәре яңғыраны. Китап уҡыусылар шулай уҡ яҙыусының әҫәрҙәре буйынса экранизациялар тураһында фекер алыштылар.