Махсус китапханала Библиотөн-2026

Йыл һайын үткәрелеүсе «Библиотөн» бөтә Рәсәй акцияһы сиктәрендә М. Х. Төхвәтшин исемендәге һуҡырҙар өсөн Башҡортостан республика махсус китапханаһы китап һәм ижад яратыусылар өсөн ишектәрҙе яңынан аса.

Сара 17:00 сәғәттән 20:00 сәғәткә тиклем барасаҡ һәм төрлө йәштәге ҡунаҡтарҙы берләштерәсәк. Акция мөмкинлектәре сикләнгән кешеләр өсөн уңайлы форматта үткәрелә һәм бөтә килеүселәрҙең ихтыяждарын иҫәпкә алып инклюзив майҙансыҡтар тәҡдим итә.

Быйыл акция «Халыҡтар берҙәмлеге - Рәсәй көсө»девизы аҫтында үтә. Ҡунаҡтарҙы бай һәм төрлө программа көтә. Улар милли кейемдәр һәм йолалар тураһында этнографик квизда, шулай уҡ йомаҡтар һәм мәҡәлдәр менән интеллектуаль уйында белемдәрен тикшерә ала. Музыка һәм күңел асыу һөйөүселәр төрлө халыҡтарҙың көйҙәрен белеү конкурсында ҡатнашасаҡ.

Күргәҙмә сиктәрендә ҡунаҡтар халыҡтар берҙәмлегенә арналған китап экспозицияһында уникаль баҫмалар менән танышасаҡ, шулай уҡ һуҡырҙар өсөн китапхана сығарған рельеф-график әсбаптар тураһында күберәк беләсәк.

Теләгән һәр кем үҙенең ижади һәләттәрен башҡорт күкрәк кейеме һәм этноброшалар эшләү буйынса оҫталыҡ дәрестәрендә аса ала, шулай уҡ «Милли мозаика» дидактик уйынында ла зирәклек күрһәтә ала. Шиғриәт һөйөүселәр тауыш яҙҙырыу студияһында «Тыуған ер йырсылары» конкурсында сығыш яһау мөмкинлегенә эйә буласаҡ.

Иң йәш ҡунаҡтар өсөн күңелле уйындар, сағыу аквагрим һәм рус халыҡ әкиәте мотивтары буйынса Ҡурсаҡ театрының мауыҡтырғыс «Тылсымлы лампа» спектакле менән «Әкиәт яланы» ойоштороласаҡ.

Сара ҡунаҡтарҙы дуҫлыҡ һәм берҙәмлек атмосфераһы менән берләштерәсәк «Берҙәм күк йөҙө аҫтында» концерты менән тамамланасаҡ.