Башҡорт теле Брайль шрифты менән

Башкирский язык шрифтом Брайля
Мәкәрим Хөсәйен улы Төхвәтшин исемендәге һуҡырҙар өсөн Республика махсус китапханаһында, фондтарҙы каталоглаштырыу һәм үҫтереү бүлеге мөдире Нәзилә Дәүләтханова тарафынан https://vk.com/id54427240 БР Мәҙәниәт министрлығы https://vk.com/minkultury_rb биргән Башҡортостан республикаһы башлығы гранты сиктәрендә «Башҡорт теле Брайль шрифты менән: күреү һәләте ныҡ боҙолған балалар өсөн башҡорт телендә аралашыу мәҙәниәтен күтәреү өсөн саралар комплексын үткәреү» проектын тормошҡа ашырыу дауам итә. 
Туған башҡорт телендә аралашыу мәҙәниәтен күтәреү һәм күреү һәләте ныҡ боҙолған балаларҙың туған теле тураһында белемен киңәйтеү — баланың мәҙәни үҫешендә айырыуса иғтибар һәм көс талап иткән мөһим бурыс. Туған телде үҙләштереү мәҙәни мираҫ ҡына түгел, ә һәр бала өсөн аралашыу, үҙ-үҙеңде белдереү һәм донъяны танып белеү ҡоралы булып тора.
Ауыр күреү һәләте боҙолған балалар араһында тышҡы донъя менән аралашыуҙың төп ҡоралы булараҡ тел айырым роль уйнай, ул шәхес формалашыуының мөһим компоненты булып тора. Шуға күрә махсус белем биреү мөхите контексында туған башҡорт телен үҫтереү һәм файҙаланыу өсөн оптималь шарттар булдырыу мөһим. 
Бөгөнгө балалар - беҙҙең киләсәгебеҙ, һәм улар һаулыҡ мөмкинлектәре сикләнгән булыуға ҡарамаҫтан, үҙҙәренең тормошоноң формалашыуына сифатлы йоғонто яһаясаҡ белем алырға тейеш.
Үҫешендә проблемалары булған балаларға башҡорт телен һәм мәҙәниәтен уҡытыуҙа ярҙам итеү мөһим. Һәр шундай баланың туған теленә һәм мәҙәниәтенә хоҡуғы бар, әммә был хоҡуҡты күреү һәләте боҙолған айырым балаларға тормошҡа ашырыу бик ауыр. Был проекттың төп маҡсаты - күреү һәләте ныҡ боҙолған коррекция мәктәптәрендә уҡыған балаларҙа туған телдә аралашыу мәҙәниәтен һәм туған тел тураһында белемде күтәреү. 
Бөгөнгө көндә Өфөнөң 28-се коррекцион дөйөм белем биреү мәктәп-интернаты өсөн рус телендә уҡытыу ойошмаларында башҡорт телен (дәүләт теле булараҡ) өйрәнеү буйынса 8 класс өсөн ҡабарынҡы-нөктәле Брайль шрифты менән баҫылған уҡыу әсбабы биттәре үрелеп бара. Уҡыу әсбаптары ҡабарынҡы-график һүрәттәр менән тәьмин ителгән, улар уҡыусыларға үҙ аллы эштәр башҡарырға ярҙам итәсәк. Һәр дәреслектә Мәкәрим Хөсәйен улы Төхвәтшин төҙөгән ҡабарынҡы-нөктәле Брайль шрифты менән баҫылған тактиль башҡорт алфавиты бар.

Поделиться

You are reporting a typo in the following text:
Simply click the "Send typo report" button to complete the report. You can also include a comment.