Балалар уҡыусыларыбыҙҙы ҡотланы

18 май һуҡырҙар өсөн махсус республика башҡорт китапханаһында Еңеү көнөнә арналған кисә үтте. Музыкаль-поэтик композиция менән 28-се мәктәп-интернаты уҡыусылары сығыш яһаны. Совет шағирҙарының шиғырҙары, гитара һәм баян аккомпанементы аҫтында Бөйөк Ватан һуғышы йырҙары, ҡумыҙ телендә башҡорт һәм рус халыҡ моңдары яңғыраны. Уҡыусылар балаларҙың талантына һоҡланыуын, уларға, етәкселәренә рәхмәттәрен белдерҙе.