"Ауыл мәҙәниәт хеҙмәткәре" конкурсы-2026

Башҡортостан республикаһы мәҙәниәт министрлығы 2026 йылда «Ауыл мәҙәниәт хеҙмәткәре» федераль программаһы буйынса Башҡортостан республикаһы мәҙәниәт ойошмаһында мәҙәниәт хеҙмәткәрҙәрен вакантлы вазифаларға һайлап алыу конкурсы башланыуы тураһында иғлан итә. Конкурс һайлап алыуҙы үткәреү осоро: 2026 йылдың 15 апреленән 15 июленә тиклем.

Әгәр һеҙ ауылдарҙа, йә эшселәр ҡасабаларында, йә ҡала тибындағы ҡасабаларҙа, йә 50 меңгә тиклем кеше йәшәгән ҡалаларҙа урынлашҡан мәҙәниәт учреждениеларына эшкә урынлашырға әҙер булһағыҙ, күсергә әҙер булһағыҙ, һеҙҙе 1 миллион һум күләмендә бер тапҡыр бирелә торған компенсация түләүгә конкурс һайлап алыуында ҡатнашырға саҡырабыҙ.

Конкурс һайлап алыуына ғариза биреү өсөн түбәндәге шарттарға тап килергә кәрәк: мәҙәниәт һәм сәнғәт өлкәһендә юғары йәки урта һөнәри белемгә эйә булыу һәм квалификация белешмәләрендә күрһәтелгән мәҙәниәт хеҙмәткәрҙәренең вазифалары буйынса квалификация талаптарына һәм (йәки) Башҡортостан республикаһы мәҙәниәт Министрлығы раҫлаған мәҙәниәт хеҙмәткәрҙәренең вакантлы вазифалары исемлегенә индерелгән профессиональ стандарттарға яуап биреү.

Һайлап алыуҙа ҡатнашыу өсөн дәғүәсе түбәндәге документтар менән ғариза бирә:

а) шәхесте раҫлаусы документтың күсермәләре;

б) юғары белем биреү ойошмаһында йәки профессиональ белем биреү ойошмаһында сығарылыш курсында белем алыу тураһында документ йәки белешмә күсермәләре;

в) квалификация кимәлен раҫлаусы документтың күсермәләре;

г) билдәләнгән тәртиптә раҫланған хеҙмәт кенәгәһенең һәм (йәки) Рәсәй Федерацияһы Хеҙмәт кодексының 66.1 статьяһында ҡаралған хеҙмәт эшмәкәрлеге тураһында мәғлүмәттәрҙең күсермәләре;

д) һалым органында физик шәхесте иҫәпкә ҡуйыу тураһында таныҡлыҡтың йәки рәсәй Федерацияһы территорияһында йәшәгән урыны буйынса физик шәхесте һалым органында иҫәпкә ҡуйыу тураһында белдереүҙең күсермәләре;

е) шәхси (персонализацияланған) иҫәп системаһында теркәлеүҙе раҫлаған документтың күсермәләре;

ж) дәүләт сәйәсәтен әҙерләү һәм тормошҡа ашырыу, эске эштәр өлкәһендә норматив-хоҡуҡи көйләү функцияларын тормошҡа ашырыусы федераль башҡарма власть органы тарафынан билдәләнгән тәртиптә һәм форма буйынса бирелгән реабилитациялау нигеҙҙәре буйынса хөкөм ителеү һәм (йәки) факты булыуы (булмауы) йәки енәйәт эҙәрлекләүҙе туҡтатыу тураһында белешмәләр;

з) был Положениеға 2-се һанлы ҡушымтаһына ярашлы персональ мәғлүмәттәрҙе эшкәртеүгә һәм мәғлүмәтте интернет мәғлүмәт-телекоммуникация селтәрендә форма буйынса урынлаштырыуға ризалыҡ биреү;

к) дәғүәсенең ҡарауы буйынса башҡа документтар.

Документтар Башҡортостан республикаһының мәҙәниәт министрлығына тапшырыла: 450015, Өфө ҡалаһы, Революция урамы, 18, махсус рәүештә (шул уҡ ваҡытта документтарҙың төп нөсхәһе булырға тейеш) йәки электрон адресҡа: mkrb@bashkortostan.ru (шул уҡ ваҡытта документтарҙың күсермәләре нотариус тарафынан раҫланырға тейеш (һәр бит).

"Ауыл мәҙәниәт хеҙмәткәре" федераль программаһы тураһында тулыраҡ мәғлүмәт https://culture.bashkortostan.ru/presscenter/news/806493/