28 ноябрь рус шағиры, яҙыусы, әҙәби тәнҡитсе, Көмөш быуаттың баш шағиры Александр Александр улы Блоктың тыуыуына 145 йыл тула.
М. Х. Төхвәтшин исемендәге һуҡырҙар өсөн Башҡортостан республика махсус китапханаһы абонементы ҡунаҡтары һәм ҡулланыусылары иғтибарына «О русь моя, жена моя, до боли...» китап күргәҙмәһен тәҡдим итә.
Күргәҙмәлә махсус китапхана фондынан китаптар тәҡдим ителә.
М. Х. Төхвәтшин исемендәге һуҡырҙар өсөн Башҡортостан республика махсус китапханаһында "Шағир һүҙе - һалдат ҡоралы" әҙәби – патриотик сәғәте үтте. Сара К.М. Симоновтың 110 йыллығына арналды.
Константин Михаил улы совет шағиры, прозаик, драматург, киносценарист, йәмәғәт эшмәкәре, журналист һәм хәрби хәбәрсе. Ул билдәле «Көт мине» шиғырының авторы. Уны Бөйөк Ватан һуғышының иң хисле һәм тәрән мәғәнәле әҫәрҙәренең береһе тип иҫәпләйҙәр. Шағир өсөн һуғыш ижадының төп темаһына әйләнә.
Америка яҙыусыһы һәм йәмәғәт эшмәкәре Сэмюэл Ленгхорн Клеменстың, Марк Твен булараҡ билдәле, тыуыуына 190 йыл тулыу айҡанлы Өфөнөң 28-се коррекция мәктәп-интернатында «Марк Твен китаптарында бала-саҡ донъяһы» әҙәби сәйәхәте үтте.
Мәкәрим Хөсәйен улы Төхвәтшин исемендәге һуҡырҙар өсөн Республика махсус китапханаһы абонементы уҡыусыларҙы һәм ҡунаҡтарҙы күренекле шағир, прозаик һәм драматург Константин Михаил улы Симоновтың тыуыуына 110 йыл тулыуға арналған «Һуғыш менән яндырылған юлдар» китап күргәҙмәһенә саҡыра.
Күргәҙмәлә эре шрифтлы баҫмалар, флешкарталарҙа һәм СД-оптик дисктарҙа "һөйләүсе" китаптар, шулай уҡ һуҡырҙар өсөн махсус китапхана фондынан яҫы баҫма шрифт китаптары тәҡдим ителә.
13 ноябрҙә, халыҡ-ара һуҡырҙар көнөндә, М.Х. Төхвәтшин исемендәге һуҡырҙар өсөн Башҡортостан республика махсус китапхана эшмәкәрлегенә һәм уның 90 йыллығына арналған «Хәтер тауыштары» тигән махсус ижади кисә үтте.
Залда бик күп әүҙем уҡыусылар, әҙәбиәт һәм сәнғәт һөйөүселәр йыйылды. Кисә программаһы сағыу музыкаль-поэтик номерҙар менән байытылды. Талантлы башҡарыусылар сығыш яһаны, уларҙың оҫталығы тере музыканы тойорға мөмкинлек бирҙе. Музыкаль оҙатыуҙан тыш, ҡунаҡтар уҡыусыларыбыҙҙың матур шиғырҙарын уҡып ишеттерҙе.
11 ноябрь Өфөнөң һуҡырҙар һәм насар күреүселәр өсөн 28-се коррекция мәктәп-интернатында 18 йәштән кесерәк һаулыҡ мөмкинлектәре сикләнгән граждандар араһында һайлау хоҡуғы һәм һайлау процесы мәсьәләләре буйынса конкурс уҙҙы.
Конкурсты ойоштороусылар: Башҡортостан Республикаһының Үҙәк һайлау комиссияһы, Өфө ҡала округының совет районы территориаль һайлау комиссияһы һәм Мәкәрим Хөсәйен улы Төхвәтшин исемендәге һуҡырҙар өсөн Башҡортостан республика махсус китапханаһы.
М. Х. Төхвәтшин исемендәге һуҡырҙар өсөн Башҡортостан республика махсус китапханаһында талантлы рәссам, Рәсәй рәссамдар Союзы ағзаһы һәм Ҡ. Дәүләткилдиев исемендәге республика художество гимназия-интернаты педагогы Роман Сәйфуллиндың графика күргәҙмәһе асылды. Роман Рәсәйҙең һәм Башҡортостандың атҡаҙанған рәссамы Камил Ғөбәйҙуллиндың уҡыусыһы. Ул ижади һәм педагогик эшмәкәрлеген уңышлы берләштерә. Сәнғәт һәм уҡытыуҙан тыш, Роман социаль эш менән әүҙем шөғөлләнә.
Политика в отношении обработки персональных данных
Все права защищены ГБУК РБ БРСБС им. М.Х. Тухватшина.
brsbs.ru ©2026.
Макарим Хусаинович Тухватшин
