1941 йылдың 22 июнь көнө Рәсәй тарихында иң фажиғәле көндәрҙәң береһе булды. Һәр ғаиләгә, һәр өйгә ҡайғы килтерҙе һуғыш афәте. Беҙҙең халҡыбыҙ егерме миллиондан ашыу юғалтыу кисерҙе.

Ошо фажиғәле көнгә арнап Башҡортостан Республика һуҡырҙар өсөн махсус китапханаһы Быуындар иҫендә исемле күргәҙмә ойошторҙо. Күргәҙмәлә Бөйөк Ватан һуғышы хаҡында яҙылған әҫәрҙәр урын алды. Улар рус һәм башҡорт телдәрендә Брайль системаһы һәм ябай шрифт менән дә яҙылғандар, шулай уҡ флешкарталарҙа таушландырылған китаптар ҙа ҡуйылған. Өфө ҡалаһының 21-се һанлы лицей-интернаты эргәһендә ойошторолған балаларҙың йәйге лагерында ял итеүсе уҡыусылар беренселәрҙән булып был күргәҙмә менән таныштылар ҙа инде.

2015 йылдың 10 июнендә Башҡортостан Республикаһының һуҡырҙар өсөн махсус китапханаһында  Китап йылына арналған “Йәшә, китап!” акцияһы эсендә сираттағы сара уҙғарылды. Йыл буйы дауам иткән был акцияла Өфө ҡалаһының 126 мәктәп уҡыусылары байрам уртаһында булды. Әлеге ваҡытта А. С. Пушкин  көндәре барыуы айҡанлы, мәктәптең йәйге майҙансығына йөрөгән балалар А.С. Пушкиндың “Балыҡсы һәм балыҡ хаҡында әкиәт” әҫәре буйынса тактиль китап эшләүҙә ҡатнаштылар. Китап күп форматлы баҫмалы: һуҡырҙар өсөн эре нөктәле Брайль шрифты һәм тотоп ҡарамалы һүрәттәр менән биҙәлгән, эре шрифтлы  һәм CD-дискта китаптың аудио (тауышландырылған) варианты ла бирелгән. Тактиль китап эшләнеп бөткәс, уҡыусылар А.С. Пушкиндың әкиәттәре буйынса викторинала белемдәрен һынанылар һәм Светлана Дәүләтбирҙина башҡарыуында экранда “Эбру”техникаһы менән һыуға төшөрөлгән һүрәттәрҙе  ҡаранылар, аҙаҡ балаларға ла  ошо уҡ техникала төшөрөү һәләттәрен тикшереү мөмкинселеге булды.

Башҡортостандың  һуҡырҙар өсөн махсус китапханаһында 2015 йылдың 14 майында иртәнге сәғәт 11-ҙә мөмкинселектәре сикләнгән балалар араһында уҙғарылған “Еңеү вариҫтары” Республика конкурсында еңеүселәрҙе бүләкләү тантанаһы уҙғарыласаҡ.   

Конкурс Бөйөк Еңеүҙең 70 йыллығына арналып Мәҙәниәт министрлығының 2015 йылғы планына ярашлы рәүештә Мәҙәниәт министрлығы һәм Республика һуҡырҙар китапханаһы тарафынан уҙғарылды.

Конкурстың төп маҡсаты– үҫеп килгән быуынды ватансылыҡ тойғоһонда тәрбиәләү, мөмкинселектәре сикләнгән балаларҙы йәмғиәт сараларында ҡатнаштырып, уларҙың аралашыу даирәһен киңәйтеү, һәләтен  үҫтереү.

Конкурс 2015 йылдың 1 мартынан 9 майға тиклем барҙы. Был сарала Республикабыҙҙың 14 ҡалаһынан һәм 27 районынан 346 бала ҡатнашты.

Конкурсҡа килде:

–   “Еңеү төҫтәре” һынлы сәнғәт номинацияһында–248 эш;

–   “Беҙҙең хәтерҙә”әҙәби конкурсҡа–59 эш;

–    “Һуғышһыҙ тыныс донъяла рәхәт” тактиль китап яһау– 18 эш;

–   “Һуғыш мәле балалары һөйләй”– видео-конкурс– 21 эш.

Был сарала төрлө министрлыҡ вәкилдәре, төрлө ойошмаларҙан конкурсты ойоштороуға булышлыҡ иткән  шәхестәр ҡатнашасаҡ.

Сара иртәнге сәғәт 11-ҙә Өфө ҡалаһы, Киров урамы, 47, адресы буйынса уҙғарыласаҡ.

Бөтә төр транспорттар менән “Витамин заводы” туҡталышына тиклем килергә мөмкин.

27 мартта һуҡырҙар өсөн махсус Башҡортостан Республика китапханаһы белгестәре Дүртөйлө районы муниципаль Үҙәк китапханаһында “Муниципаль китапханаларҙа мөмкинселектәре сикләнгәндәр файҙалана алырлыҡ шарттар тыуҙырыу” исемендә тифлосессия уҙғарҙылар. Тифлосессия эшендә Дүртөйлө районының мөмкинселектәре сикләнгәндәрҙе социаль яҡлау белгестәре, урындағы инавлидтар ойошмаһы ағзалары, китапхана уҡыусылары ҡатнашты. Дүртөйлө районы Үҙәк китапхана директоры З.И. Заһиҙуллина тамашасыларҙы сәләмләгәндән һуң, китапхананың эшмәкәрлеге, яулаған еңеүҙәре һәм тифлосессияның әһәмиәте хаҡында һөйләне.

Һуҡырҙар өсөн махсус Башҡортостан Республика китапханаһының инновацион-методик бүлеге мөдире Альбина Бабенко сығыш яһаны.Ул китапханаларҙа тупланған барлыҡ мәҙәни һәм рухи байлыҡтарҙың һәр уҡыусыға файҙалана алыу мөмкинселектәрен тыуҙырыу хаҡында бәйән итте. Ифрат та күҙҙәре насар күргән, йәки тома һуҡырҙарҙы хеҙмәтләндереү мөмкинселектәре хаҡында үҙ тәжрибәләре менән уртаҡлашты.

“Доступная среда” дәүләт программаһын тормошҡа ашырыуҙың актуаллеге һәм мөмкинселектәре сикләнгәндәргә йәмғиәттең һәм тирә-яҡ мөхиттең аңлайышлылығын тәъмин итеүгә йүнәлтелеүе хаҡында йәмғиәт менән бәйләнеш булдырыу буйынса БРСБС директоры урынбаҫары Олег Кушнерук һөйләне. Ул шулай уҡ һуҡырҙар өсөн махсус китапхананың сайт контенты ике дәүләт телендә эшләнелеүе, сайттың һуҡырҙар һәм насар күреүселәр өсөн айырым опциялары барлығы хаҡында мәғлүмәт бирҙе.

БСРБС –ның информацион технологиялар бүлеге мөдире Фәнүр Бәҙретдинов тифлосессияла ҡатнашыусыларға информацион ресурстарҙың китапхана сайты аша еткерелеп тороуы хаҡында һөйләне, тауышландырылған китаптарҙы Башҡортостан Республика махсус китапханаһы сайты он-лайн базаһы аша ҡулланыу мөмкинселектәрен аңлатты.

Артабан тифлосессияла ҡатнашыусылар насар күреүселәрҙең һәм тома һуҡырҙарҙың мәҙәни һәм рухи байлыҡтар менән тифлокомментарийлы (аңлатмалы тауышландырылған) фильмдәр аша таныша алыуҙары хаҡында мәғлүмәт кенә алып ҡалманылар,”Ранняя оттепель” аңлатмалы тауышландырылған фильмы миҫалында күрҙеләр. Фильмға тифлокомментарий һуҡырҙар өсөн Республика махсус китапханаһы хеҙмәткәрҙәре тарафынан эшләнгән. Тифлосессия аҙағында төрлө һорауҙарға яуаптар бирелде, фекерҙәр алышыу булды.

25 мартта һуҡырҙар өсөн махсус Башҡортостан Республика китапханаһында “Май шәме” шиғриәт клубында шағирә Вероника Тушнованың тыуыуының 100 йыллығына арналған “Мөхәбәттең шатлыҡлы һәм әсенеүле мәлдәре” исемле -шиғри-музыкаль кисә уҙғарыла.

Вероника Тушнованың тормош юлы – ул күренекле шағирәнең генә түгел, бынамын тигән врачтың да тормош юлы. Медицина белемле булараҡ, В. Тушнова оҙайлы һуғыш йылдары дауамында госпиталдәрҙә яралыларҙы дауалай һәм шиғырҙар яҙа.Ул үҙе шиғырҙар яҙып ҡына ҡалмай, тәржемә менән дә шөғөлләнә. Шағирә Румыния, Һиндостан,Урта Азия, Кавказ, Польша, Югославия һ.б. ил шағирҙарын рус теленә ауҙара. Вероника Тушнованың һүҙҙәренә байтаҡ йырҙар ҙа яҙылған. Шиғриәт һөйөүсе уҡыусыларыбыҙҙы

көндөҙгө сәғәт 14.00, Башҡортостан республикаһының һуҡырҙар өсөн махсус китапханаһында (Киров урамы, 47 адресы буйынса) көтөп ҡалабыҙ. Бөтә төр транспорттар менән “Витамин заводы” туҡталышына тиклем килергә мөмкин.