26 май/йома
Китапханасылар тактиль китап күргәҙмәһе менән таныштырасаҡ. 
Брайль шрифын өйрәнеү буйынса мастер-класта, бар теләүселәрҙе билдәле алты нөктәле шрифт менән таныштырасаҡ. Шулай уҡ, майҙанда ҡунаҡтар термомейес ярҙамында ҡабарынҡы график рәсемдәр яһауҙы күрә ала. Ошонда уҡ һуҡырҙар өсөн баҫтырылған китаптарҙы күрергә мөмкин. 

27 май/шәмбе 
"Библиотөн - 2023" Бөтә Рәсәй акцияһы сиктәрендә, махсус китапхана саралар серияһын тәҡдим итә. 
Иң кескәй уҡыусылары өсөн тактиль китаптар яһау мастер-класы үтәсәк. Айырым майҙанда "Бергәләп уҡыйбыҙ! Балаларға тактиль китап" республика конкурсының еңеүселәрен бүләкләү тантанаһы буласаҡ. Конкурс иң яҡшы тактиль китап яһау практикаһын асыҡлау өсөн ойошторолдо. Тантана Бәйләнештә социаль селтәрендә онлайн барасаҡ. 
Библиотөндөң бөтә ҡунаҡтарын да китап күргәҙмәләре, экскурсиялар, яҙыусылар, билдәле шәхестәр, мәҙәниәт эшмәкәрҙәре менән осрашыу көтә. 
Шулай уҡ, фестиваль сиктәрендә, конкурстар, шәфҡәтлелек акциялары, һирәк китаптар күргәҙмәһе буласаҡ. 

28 май/йәкшәмбе 
11:00 - "Һуҡырҙарға ситуацион ярҙам күрһәтеү" мастер-класы. 
Спикерҙар: Юрий Панчишин - дефектолог, тифлопедагог, Рәсәй дефектологтар союзы ағзаһы; Руслан Шәйхуллин - ғаилә, хеҙмәт һәм халыҡты социаль яҡлау министрлығының йәмғиәт советы ағзаһы, Бөтә Рәсәй һуҡырҙар ойошмаһы ағзаһы; Роберт Ғилманшин - эксперт-инспектор. 
Көн дауамында китапханасылар тактиль китаптар күргәҙмәһе менән таныштырасаҡ. Ошонда уҡ "Башҡортостан"  киностудияһы тарафынан сығарылған мультипликацион фильмдар ҡарарға мөмкин.

М. Х. Төхвәтшин исемендәге һуҡырҙар өсөн Башҡортостан республика махсус китапханаһы "Рәсәйҙең 100 иң яҡшы тауарҙары" Бөтә Рәсәй конкурсының төбәк этабында еңеү яуланы. 
Китапхана конкурсҡа "Башҡорттарҙың халыҡ сәнғәте" ҡабарынҡы график әсбабын тәҡдим итте. 
Китапхана даими рәүештә конкурста ҡатнашып тора. Беренсе тапҡыр еңеүҙе 2014 йылда яулағайны. Ә быйыл еңеү "Башҡорттарҙың халыҡ сәнғәте" ҡабарынҡы график әсбабы алды. 
Махсус китапхана директоры Айгөл Әминева:  "Беҙ, инвалидтарҙы хеҙмәтләндереү буйынса махсус мәҙәниәт учреждениеһы булараҡ, даими рәүештә бындай китаптар баҫтырабыҙ. Бының өсөн беҙҙә Брайль принтеры бар. Беҙҙең китапхана рус телендә генә түгел, башҡорт телендә лә брайль шрифлы китаптар баҫтыра. "Ағиҙел" журналы менән хеҙмәттәшлек итәбеҙ. Уларҙың публикацияларын Брайль буйынса редакторлайбыҙ һәм баҫтырабыҙ".
Китапхана артабан да конкурстарҙа ҡатнашырға планлаштыра. Әлеге мәлдә һуҡырҙар өсөн Рәсәй дәүләт китапханаһы йыл һайын конкурс үткәрә, ә башҡорт китапханаһы был конкурста бер-нисә тапҡыр дипломант булды. 
Сығанаҡ: Башҡортостандың мәҙәни донъяһы.

26 майҙан 28 майға тиклем Өфөлә беренсе тапҡыр "Китап-байрам" халыҡ-ара китап йәрминкәһе үтәсәк. Был әҙәбиәт донъяһында киң күләмле сара, авторҙарға, нәшриәттәргә, китап магазиндарына һәм уҡыусыларға тәжрибә менән уртаҡлашырға, китап таратыу өсөн яңы мөмкинлектәр асырға ярҙам итә. 
Йәрминкәлә Рәсәйҙән, Белоруссиянан, Ҡаҙағстандан, Ҡырғыҙстандан 140-тан ашыу нәшриәттәр, китап магазиндары, шәхси букинистар, моделле китапханалар, яҙыусылар, рәссамдар, драматургтар, артистар, сәнғәт белгестәре, психологтар, кулинарҙар, кинематографистар, журналистар һәм блогерҙар ҡатнашасаҡ. 
Сараға килеүселәр яңы китаптар һатып ала, билдәле әҙиптәр менән таныша аласаҡ. 
Көн һайын программаны авторҙар менән осрашыу асасаҡ. Владимир Мединский, Константин Чеченев, Георгий Будный, Михаил Лабковский, Татьяна Устинова, Тимофей Баженов, Родион Белецкий, Регина Доктор, Кирилл Крок, Екатерина Рождественская кеүек билдәле шәхестәр менән әңгәмә алып барыласаҡ. 
Шулай уҡ, Өфөгә, йәрминкәлә ҡатнашыу өсөн, билдәле артистар саҡырылған. Фестивалдең киске программаһы "Уҡырға ваҡыт" үҙ эсенә моноспектаклдәр һәм Даниил Спиваковский, Дмитрий Дюжев, Дарья Мороз, Анна Якунина башҡарыуында әҙәби әҫәрҙәр уҡыуҙы индерә. 
Сараны көн һайын нәфис фильм ҡарау ябасаҡ. 
"Китап-байрам" программаһына "Урал батыр ерендә йыл китабы", "Тыуған ер тарихы шиғырҙарҙа" шиғырҙар конкурсы, йәш шағирҙар һ. б. конкурстар инә. 
Совет майҙанында, шулай уҡ, периодик әҙәбиәт, моделле китапханалар, аш-һыу китаптары, психология буйынса ғаилә консультациялары зоналары эшләйәсәк. Һәр зонала мастер-кластар, уйындар, сәхнәләштереүҙәр һәм башҡа саралар ойоштороласаҡ. 
Бынан тыш, Өфө ҡунаҡтары һәм йәшәүселәре шәфҡәтлелек акцияларында ҡатнаша аласаҡ. 
Йәрминкәнең ойоштороусылары: Башҡортостан республика хакимлығы, Башҡортостан Яҙыусылар союзы. 
Тулыраҡ мәғлүмәт:  http://www.kitap-bayram.ru  www.kitap-bayram.ru.

"Китап-байрам" халыҡ-ара китап йәрминкәһе сиктәрендә, мөмкинлектәре сикләнгән балалар өсөн "Бергәләп уҡыйбыҙ. Балалар өсөн тактиль китаптар" Республика конкурсы үткәрелә. Конкурс балалар өсөн иң яҡшы тактиль китап яһауҙы асыҡлауға йүнәлтелгән. 
Ойоштороусыһы: М. Х. Төхвәтшин исемендәге һуҡырҙар өсөн Башҡортостан республика махсус китапханаһы. Партнеры: Башҡортостан республика мәҙәниәт министрлығы. 
Конкурста ҡатнашырға Башҡортостан республикаһында йәшәгән балалар тәрбиәләү һәм белем биреү менән бәйле  китапханалар һәм учреждение белгестәре, ижади берекмәләр, инициативалы төркөмдәр һәм физик шәхестәр саҡырыла. Конкурс 20 апрелдән 26 майға тиклем дауам итә. 
Һөҙөмтәләр яһау һәм еңеүселәрҙе бүләкләү йәрминкә сиктәрендә үтәсәк. "Китап-байрам" халыҡ-ара китап йәрминкәһе 26-28 май барасаҡ. 
Тулыраҡ мәғлүмәт Положение бүлегендә. Положении 

18 май М. Х. Төхвәтшин исемендәге һуҡырҙар өсөн Башҡортостан республика махсус китапханаһы уҡыусылары өсөн В. И. Альбанов исемендәге ҡотопсолар музейына экскурсия ойоштороласаҡ. 
Уҡыусылар тифлокомментаторҙар ярҙамында Арктиканы тикшереү тарихы менән танышасаҡ. 
Уҡыусыларҙың китапханала йыйылыу ваҡыты: 14.00