Конкурста махсус китапхананың 18 йәше тулған бөтә ҡулланыусылары ла ҡатнаша ала.
Беренсе тур – интернет-викторина.
Һуҡырҙар өсөн Башҡортостан республика махсус китапханаһында йәмғиәт практик фествале рамкаһы талаптарында “Президент бесәйе” китабының презентацияһы үтте.
Китаптың авторы - РФ һәм БАССР-ҙың атҡаҙанған мәҙәниәт хеҙмәткәре, Дуҫлыҡ ордены кавалеры,танылған сатирик, шағир, публицист, тәржемәсе, Рәсәй һәм Башҡортостан Яҙыусылары союзы ағзаһы, “Рәсәйҙең алтын ҡаурыйы 2016” премияһы лауреаты Марсель Сәлимов. Китап, автор тарафынан, махсус китапхананың тауыш яҙҙырыу студияһында тауышландырылды.
Марсель Сәлимов “Һәнәк” журналының элекке мөхәррире, 40-ҡа яҡын китаптар авторы. Махсус китапхана уҡыусыларына һәм семинарҙа ҡатнашыусыларға ул үҙенең ижад юлы, сәйәхәттәре тураһында бәйән итте, шиғырҙарын уҡыны, рус, татар һәм башҡорт телендә көләмәстәр һөйләне.
Үҙенең әҫәрҙәрендә, яҙыусы, әсе реформаларҙың ғәҙелһеҙ ҡағиҙәләре, ябай кеше яҙмышы, бюрократия баҫымы, етәкселәрҙең наҙанлығы, коррупция, урлашыу, эскелек, наркомания темаларын күтәреп сыға. Бөгөнгө көндөң насар яҡтарын тәнҡитләй. Шулай булыуға ҡарамаҫтан, уның әҫәрҙәре оптимистик рух менән һуғарылған.
Шуны һыҙыҡ өҫтөнә алып үтке килә: Марсель Шайнур улын, беҙҙең уҡыусылар беләләр һәм яраталар. 1996 йылдан алып, махсус китапхана уның китаптарын төрлө форматтарҙа баҫтыра. Бөгөнгө көндә лә билдәле сатирик беҙҙең көтөп алынған ҡунаҡ булып ҡала.
Директор йөкләмәһен ваҡытлыса башҡарыусы И. Н. Күсәрбаева ҡунаҡтар менән таныштырҙы. Директор урынбаҫары В. Н. Пантелеева инвалидтар менән эшләү, махсус китапханаларҙың эшмәкәрлеге тураһында һөйләне.
М. Аҡмулла исемендәге башҡорт дәүләт педагогия университеты доценты Екатерина Савельева семинарҙа ҡатнашыусыларҙы, әүҙем ялды ойоштороуҙа, уйын технологияларының мөмкинлектәре менән таныштырҙы. Китапхана ҡулланыусылары өсөн нисек скульптураларҙы һәм һүрәттәрҙе терелтеү, республика мәҙәниәте һәйкәлдәрен нисек итеп лото уйыны аша өйрәнеү буйынса мастер-класс күрһәтте.
Шулай уҡ, бик файҙалы мәғлүмәттәр менән Нефтекамск, Октябрьск, Күмертау, Өфө ҡалаларынан, Хәйбулла, Асҡын, Борай, Шишмә райондарынан килгән китапхана белгестәре уртаҡлашты.
Семинарҙың йомғаҡлау өлөшөндә, түңәрәк өҫтәл артында белгестәр практик һорауҙарҙы асыҡланы.
Семинарҙа ҡатнашыусылар практик эштәрҙе үҙҙәре һайлап алды. Проекттарҙың авторҙарына бүләктәр ҙә тапшырҙылар.
Яҙыусы, сатирик Марсель Сәлимов үҙенең һөйләй торған “Президент бесәйе” китабын презентацияланы. Китап, автор тарафынан, махсус китапхананың тауыш яҙҙырыу студияһында тауышландырылды.
Семинарҙа 17 ҡала һәм 25 райондағы китапхана системаһы белгестәре ҡатнашты.
Фестивалдең төп маҡсаты – яңы технологиялар аша инвалидтарҙы йәмғиәткә яраҡлаштырыуҙа, социаль яҡлау хеҙмәткәрҙәре менән уртаҡ эш итеүҙе үҫтереүҙә күп көс һалған китапханалар эшмәкәрлеге тураһында фекер алышыу.
Фестивалдә дөйөм хеҙмәтләндереү китапханалары белгестәре, инвалидтар менән эшләүсе махсус китапханалар ҡатнашасаҡ. Барыһына ла сертификаттар таратыласаҡ.
Шулай уҡ, сара барышында яҙыусы Марсель Сәлимов “Алтын тауыштар” серияһынан китап уҡыясаҡ.
Республика фестивале Өфө ҡалаһы, Киров урамы, 47 адресы буйынса 10:00 сәғ. башлана. “Витамин заводы” туҡталышына тиклем һәр төрлө транспорт төрҙәре бара
Бөгөн, 23 март, Х. Әхмәтов исемендәге башҡорт дәүләт филармонияһы залына, мәҙәниәт һәм сәнғәт эшмәкәрҙәрен тантаналы бүләкләүгә йыйҙылар. Бүләкләү тантанаһын республика мәҙәниәт министры Әминә Шафиҡова алып барҙы.
“Ҡәҙерле дуҫтар! Бөткөһөҙ эштәрегеҙ өсөн һеҙгә һәм һеҙҙең коллегаларығыҙа оло рәхмәттәребеҙҙе белдерәбеҙ. Беҙ бергә тормош һәм мәҙәниәт ҡиммәттәрен формалаштырабыҙ, үткән быуындарҙан ҡалған иң бөйөк аманаттарҙы һаҡлайбыҙ. Мәҙәни мираҫты үҫтерәбеҙ, бөгөнгө көндө булдырабыҙ. Ветерандарыбыҙға рәхмәт һүҙҙәрен еткерге килә. Сөнки тап улар беҙҙең эшебеҙгә ныҡлы нигеҙ һалғандар. Тап уларҙың тәүге кирбестәренә таянып эш итәбеҙ. Башҡортостан етәкселәре яғынан мәҙәниәт өлкәһенә оло иғтибар бүленә. Беҙ барыбыҙ ҙа тик камиллыҡҡа хеҙмәт итәбеҙ. Хоҙайға шөкөр, арабыҙҙа битараф кешеләр юҡ. Барағыҙға ла ныҡлы һаулыҡ, илһам һәм ижади үрҙәр теләйем”, - тип билдәләне мәҙәниәт министры.
Мәҙәниәт эшмәкәрҙәре почет грамоталары менән бүләкләнде, ҡайһылары почетлы исемгә лә лайыҡ булды. Махсус китапханаға ла “2016 йылда Башҡортостан республикаһы халҡына күрһәтелгән хеҙмәттәр өсөн” рәхмәт хаты тапшырылды.
Ултырыштың икенсе яртыһында ҡатнашыусылар “Осрашыу урынын алыштырырға ярамай”фильмының икенсе серияһын ҡаранылар. Был фильмға тифлокомментарийҙар махсус китапхана студияһында яҙҙырылды.
Бындай йылы осрашыуҙан барыһы ла күтәренке кәйеф менән таралышты
Шағирҙарҙы пәйғәмбәр тип тә йөрөткәндәр. Боронғо дәүерҙә шағирҙар мөғжизәле һүҙҙәр менән урман серҙәрен асҡандар, үҫемлектәрҙе терелткәндәр, баҡсаларҙы сәскәгә күмгәндәр.
Башҡортостан үҙ ерендә күп кенә талантлы һүҙ оҫталарын үҫтерҙе. Шуларҙың береһе бөйөк шағир – Рәми Ғарипов. Шиғырҙары уның тыуған ер, ғәзиз халҡы, гүзәл тәбиғәте мотивтары менән һуғарылған. Йәшәйеш мәғәнәһе, халыҡтың тарихы, теле, киләсәге яҙмышы тип янған шағир мотлаҡ халыҡтың ғорурлығы булмайынса мөмкин дә түгел.
Рәми Ғарипов, шулай уҡ, Пушкин, Лермонтов, Есенин, Блок, Гейне, Рудаки һ.б. сит милләт авторҙарының ижадын да тәржемә итеп башҡорт халҡына еткерҙе. Иң бирелеп эшләгән эше - Ғүмәр Хаям ижады тәржемәһе. Уның һөҙөмтәһе булып “Минең анталогиям” китабы тора.
Шағирҙың күп шиғырҙары үҙе тере саҡта баҫылмай. Был донъянан китеп барғас ҡына, шағир киң танылыу ала.
Һуҡырҙар өсөн Башҡортостан республика махсус китапханаһында, шағирҙың тыуыуына 85 йыл тулыу айҡанлы “Йырҙарыма ҡайтҡан саҡта…” тип аталған китап күргәҙәмһе булдырылды.
20 февраль коррекция мәктәбенең 1-3 класс уҡыусылары махсус китапхананың Бәләбәй филиалында булып ҡайттылар. Китапхана хеҙмәткәрҙәре балаларға күргәҙмә экскурсия ойошторҙолар, тактиль, ҙур шрифтлы, флеш-карталарҙағы китаптар, рельеф-графикалы әсбаптар, тифлотехника менән таныштырҙылар. Шулай уҡ, уҡыусылар Луи Брайльдең рельефлы-нөктәле шрифтының барлыҡҡа килеү тарихын да ишеттеләр.
Экскурсия барышында, һәр кем үҙ һорауына төплө яуаптар алды
21 февраль махсус китапханаға һәүәҫкәр шағирә Әлиә Зәки ҡыҙы Хәйруллина киләсәк.
Әлиә Зәки ҡыҙы 1939 йылда Борай районының Борай ауылында донъяға килгән. Бик иртә атайһыҙ ҡалған ҡыҙ, әсәһенең уң ҡулына әйләнә. Мәктәпте тамамлағас, шунда уҡ вожатый булып ҡала. Һуңынан Бөрө педагогия институтының рус теле һәм әҙәбиәте факультетына уҡырға инә. Оҙаҡ йылдар уҡытыусы булып эшләй, һуңынан завуч урынын ала. Тоғро хеҙмәте өсөн, “РФ-ның мәғариф отличнигы”, “РБ-ның атҡаҙанған мәҙәниәт эшмәкәре” исемдәренә лайыҡ. Мәктәптән һуң, Борай районы администрацияһының мәҙәниәт бүлеген етәкләй.
2015 йылда, татар телендә, “Рәхмәт һиңә, яҙмыш!” тигән тәүге шиғырҙар йыйынтығы баҫылып сыға. Билдәле композиторҙар Әлиәнең шиғырҙарына йырҙар ҙа яҙа.
Шулай уҡ, Борай районының талантлы кешеләре хаҡында ағалы-ҡустылы Әлфир һәм Марс Ғәйфуллиндарҙың һүрәттәре лә һөйләр. Уларҙың рәсемдәрендә тыуған ерҙәренең гүзәл тәбиғәте ята. Күп осраҡта, был тәбиғәт ҡосағына кеше һыны индерелмәгән. Унда ҡышҡы ауыл, йылға-күлдәр, тауҙар, ҡояш байышы урын алған.
Осрашыу барышында, беҙҙең уҡыусыларыбыҙ, автор башҡарыуында, шиғырҙар, Борай районының һәүәҫкәр артистары йырҙарын тыңлай, һүрәттәр күргәҙмәһен ҡарай ала.
Осрашыу 21 февраль, 14:00 сәғәттә, Өфө ҡалаһы, Киров урамы, 47 адресы буйынса уҙасаҡ.
Страницы
- « первая
- ‹ предыдущая
- …
- 138
- 139
- 140
- 141
- 142
- 143
- 144
- 145
- 146
- …
- следующая ›
- последняя »