Рәсәйҙә 15 октябрҙан алып 13 ноябрға тиклем "Аҡ таяҡ" айлығы билдәләнә. Ошо айлыҡта махсус китапхананың Стәрлетамаҡ филиалы 5-се мәктәптең 3-сө класс уҡыусылары өсөн изгелек дәресе үткәрҙе. Балалар таяҡтың символикаһын, нисек һуҡырҙарға ярҙам тәҡдим итергә өйрәнделәр. Уйын барышында мөмкинлектәре сикләнгәндәргә иғтибар бүлеү кәрәклегенә төшөндөләр. Шулай уҡ, уҡыусылар һуҡырҙар өсөн Брайль шрифты, насар күреүселәр өсөн ҙурайтылған шрифт, кескәйҙәр өсөн тактиль китаптар менән таныштылар.
Осрашыуға китапхананың әүҙем китап уҡыусыһы Роза үҙенең оҙатыусы эте Джессика менән килде. Ул балаларға оҙатыусы эттәрҙе дрессировкалау үҙенсәлектәре тураһында һөйләне, Джессиканың һөнәрҙәрен күрһәтте.

Һуҡырҙар өсөн Башҡортостан республика махсус китапхананың Белорет филиалы хеҙмәткәрҙәре "Аҡ таяҡ" айлығында МО ВОС менән берлектә инвалидтар өсөн ҡаланың тарихи-тыуған-яҡ музейына экскурсия ойошторҙолар. Экскурсовод Наталья Попкова Белорет ҡалаһының килеп сығыу тарихы, металлургия комбинаты, еребеҙҙең файҙалы ҡаҙылмалары тураһында һөйләне.
Экскурсанттар башҡорт ҡатын-ҡыҙы костюмының элементтары, йорт кәрәк-яраҡтары, металлургтарҙың эш ҡорамалдары, комбинаттың продукцияһы менән таныша алдылар.

Махсус китапхананың Белорет филиалы уҡыусылары һәм хеҙмәткәрҙәре ҡаланың рәсем галереяһына барҙылар. Бында Екатеринбург ҡалаһынан Урал архитектура-художество университеты студенттарының хеҙмәтенән торған күргәҙмә асылды. Проекттың кураторы һәм ойоштороусыһы Межгорье ҡалаһынан педагог һәм рәссам Виталий Шаповалов.
Күргәҙмәлә монументаль-текстиль экспозициялар тәҡдим ителә. Күргәҙмә халыҡ-ара статус йөрөтә. Унан алда ул Ҡаҙағстанда, һуңынан Магнитогорск һәм Өфө ҡалаларында була.

Республика көнө айҡанлы, махсус китапхананың Бәләбәй филиалы, 8-се урта мәктәптең 3 класс уҡыусылары өсөн, "Баллы ер Башҡортостан" квесын ойошторҙо. Балалар Башҡортостан тәбиғәтенең байлығы, төрлөлөгө менән таныштылар. Байрамдың, гимн, герб, флагтың килеп сығыу тарихын өйрәнделәр. Башҡортостанда бөтәһе 19 ҡала, шулар араһынан Өфө, Стәрлетамаҡ, Бөрө, Бәләбәй ҡалалары революцияға тиклемге тарих йөрөткәнен белделәр.
Уҡыусылар Ш. Бабичтың "Салауат", Ғ. Рамаҙановтың "Өфө", А. Игебаевтың "Ҡурай" шиғырҙарын һөйләнеләр.

 

"Асҡыс һүҙ" телдең күп төрлөлөгөн һаҡлау өсөн III Бөтә Рәсәй премияһына ғаризалар ҡабул итеү дауам итә. Быйыл "Комсомольская правда" нәшриәт йорто премияның партнеры булды. "Телдәр төрлөлөгө беҙҙең ил һәм донъя өсөн мөһим урында тора. Шуға күрә лә ЮНЕСКО 2017 йылды халыҡ-ара төп телдәр йылы тип атаны. "Асҡыс һүҙ" премияһы тап телдәр төрлөлөгөн һаҡлауҙы күҙ уңында тота", - тип билдәләне Рәсәй ФАДН етәксеһе Игорь Баринов.
Премия рамкаһында 7 номинация ҡаралған:
"Иң яҡшы мультимедиялы проект", "Иң яҡшы баҫма проект", "Иң яҡшы ғилми проект", "Иң яҡшы йәмғиәти ҡыҙыҡһыныу", "Кесе телдәрҙе һаҡлау өсөн", "Үҙенсәлекле хеҙмәт өсөн" һәм махсус номинация "Йәмғиәти яуаплы эшҡыуарлыҡ".
Ғаризалар 15 октябрьға тиклем konkurs@phkp.ru электрон почтаһы буйынса ҡабул ителә. Еңеүселәрҙе 25 октябрь
Мәскәүҙә "Тел политикаһы: дөйөм Рәсәй экспертизаһы" форумында бүләкләйәсәктәр. Ҡағиҙәләр менән http://fadn.gov.ru/news/2019/09/16/3951-iii-vserossiy.. һылтанмаһына инеп танышырға мөмкин. http://fadn.gov.ru/news/2019/09/16/3951-iii-vserossiyskaya-premiya-za-sohranenie-yazykovogo-mnogoobraziya-klyuchevoe-slovo

Һаулығы сикле балалар өсөн "Донъя бөтәһенә лә бер" Х төбәк-ара конкурс-фестивале Ижевск ҡалаһында үтәсәк. Сараны асыу 9 апрель Удмурт республикаһының Милли китапханаһында буласаҡ. Конкурс 2019 йылдың апреленән алып ноябргә тиклем дауам итә. Фестивалде асыу көнөндә ҡунаҡтар өсөн семинар буласаҡ, теләүселәрҙе күргәҙмәгә саҡырасаҡтар. Был фестивалдә ҡатнашырға саҡырабыҙ. Ғаризалар 20 октябрьға тиклем ҡабул ителә.

С положением о Конкурсе можно ознакомиться в разделе Конкурсы.