Рәсәй көнөнә арналған байрам программаһы

12 июндә илебеҙ мөһим дәүләт байрамын — Рәсәй көнөн, йәки Рәсәйҙең дәүләт суверенитеты тураһында декларация ҡабул итеү көнөн билдәләй, был байрам 2002 йылға тиклем шулай тип аталды.
Бөгөн был байрамды күптәр, Рәсәйҙең үҙ дәүләтселеген раҫлауға, позициялар яулауға һәм тымыҡ океандан Балтик ярҙарына тиклем һуҙылған көслө дәүләт төҙөүгә күп быуатлыҡ тарихи юлын онотоп, яңы табыш тип иҫәпләй.
Рәсәйҙең бойондороҡһоҙлоғо - ул ата-бабаларыбыҙҙың көсөргәнешле хеҙмәте һәм ҙур юғалтыуҙары, үҙ ғүмерен аямай, илдең һәм уның сиктәренең ҡаҡшамаҫлығын яҡлаусыларҙың хәрби батырлыҡтары һөҙөмтәһе.
Хәҙер Рәсәй көнө - закон һәм ғәҙеллек нигеҙендә бөтә кешеләрҙең азатлығы, гражданлыҡ тыныслығы һәм изге ризалығы байрамы. Был байрам - ватаныбыҙҙың бөгөнгөһө һәм киләсәге өсөн милли берҙәмлек һәм дөйөм яуаплылыҡ символы. Был көн патриотизм рухы менән һуғарылған.
"Һинең менән ғорурланам, минең Рәсәйем» - ошо исем аҫтында 11 июндә махсус китапханала Рәсәй көнөнә арналған байрам программаһы үтте. Сарала ҡатнашыусылар байрамдың барлыҡҡа килеү тарихы, мәҙәниәте һәм йолалары хаҡында белде. Рәсәй тураһында тыуған илебеҙгә һөйөү менән һуғарылған шиғырҙар һәм йырҙар яңғыраны.
Музыкаль башҡарыусылар Илдар Усманов һәм Юнир Һағынбаев китапхана уҡыусылары менән бергә сығыш яһаны.