“Оҙатыусы эттәргә беҙ шатбыҙ!”
Оҙатыусы эттәргә инеү рөхсәт ителә: Башҡортостан Республикаһының мәҙәниәт учреждениелары хеҙмәткәрҙәренә ярҙамсы эттәр һәм уларҙың хужалары менән аралашыу ҡағиҙләре тураһында һөйләйәсәктәр.
20 декабрь 10:00 сәғ. махсус китапханала проекттың презентацияһы уҙасаҡ. Проекттың инициаторы – “Инвалидтарҙың ярҙамсы эттәре” уҡыу-кинология үҙәге. Үҙәк Мәскәүҙә эшләй, ә эттәр бөтә ил буйынса таратыла. Үҙәк вәкилдәре эттәр менән эш итеү буйынса мастер-класстар күрһәтәсәк. Сараның төп ҡунаҡтары “Аҡтырнаҡ” клубы буласаҡ.