Өфөнөң ижад кешеләре Эксмо нәшриәте менән осрашыуға саҡырыла 

Рәсәйҙең иң ҙур нәшриәттәренең береһе булған Эксмо нәшриәте Өфөнөң ижади кешеләрен 2024 йылдың 20 авгусында 10:00 сәғәттән 15:00 сәғәткә тиклем Өфө ҡалаһы, Киров урамы, 47-се йорт, һуҡырҙар өсөн Башҡортостан махсус китапханаһы адресы буйынса үтәсәк уникаль сараға саҡыра.
Сараның маҡсаты - урындағы берләшмәне Эксмо нәшриәте менән автор, мөхәррир (китап проекттары менеджеры), маркетинг буйынса менеджер, китап тышлыҡтары дизайнеры һәм иллюстратор сифатында хеҙмәттәшлек итеү мөмкинлектәре менән таныштырыу. Шулай уҡ ҡатнашыусылар китап баҙарының көнүҙәк трендтары һәм үҫеш перспективалары тураһында белә аласаҡ.

Ҡатнашырға саҡырабыҙ:
- үҙ әҫәрҙәрен китап кәштәләрендә күрергә хыялланған авторҙар; 
- яңы бестселлерҙар төҙөүҙә һәм уларҙы пропагандалауҙа ҡатнашырға теләгән мөхәррирҙәр (китап проекттары менеджерҙары); 
- китаптарҙы рекламалауҙың һөҙөмтәле стратегияларын уйлап табырға һәм тормошҡа ашырырға һәләтле маркетологтар;
- киң аудитория менән ижади ҡараштары менән уртаҡлашырға әҙер булған тышлыҡ дизайнерҙары һәм иллюстраторҙар. 
Сара спикерҙары: Сергей Купасев - Эксмо нәшриәтенең Һамарҙағы филиалы директоры, Екатерина Алексеева - художество редакцияһының үҫеш буйынса директор урынбаҫары, Дарья Кузнецова – балалар редакцияһының Freedom бүлеге етәксеһе, Татьяна Сова – йорт хужалығы, кулинария һәм ял бүлеге етәксеһе.
Сара ҡыҙыҡлы һәм файҙалы булырға вәғәҙә итә, нәшриәт эше профессионалдары менән аралашыу һәм карьераһын үҫтереү буйынса ҡиммәтле кәңәштәр алыу өсөн уникаль мөмкинлек бирә.
Сараға һылтанма буйынса теркәлергә мөмкин:
https://eksmo-2024.timepad.ru/event/2982128/
Эксмо нәшриәтенең ҙур һәм дуҫтарса командаһының бер өлөшө булыу мөмкинлеген ҡулдан ысҡындырмағыҙ!