Өфө библиоэңерҙәре 2022

Уфимские библиосумерки 2022

Рәсәй халыҡтары мәҙәни мираҫы Йылы сиктәрендә 2022 йылдың 28 майында Бөтә Рәсәй Библиотөн-2022 акцияһы үтәсәк. Мәкәрим Хөсәйен улы Төхвәтшин исемендәге һуҡырҙар өсөн Башҡортостан республика махсус китапханаһында ла "Өфө библиоэңерҙәре" ойоштороласаҡ. Китапханасылар ҡунаҡтарға республикабыҙҙа йәшәгән халыҡ йолалары тураһында һөйләйәсәктәр. Сара китапхана эсендә лә, онлайн форматта ла барасаҡ. 


"Китапхана лабиринттары" экскурсияһы бар теләүселәрҙе махсус китапхананың төп йүнәлештәре - төрлө телдәрҙә мәғлүмәт һаҡлау, һуҡырҙар өсөн Брайль шрифтында рус һәм башҡорт телдәрендә китаптар сығарыу менән таныштырасаҡ. 
Халыҡ йолалары һәм ғөрөф-ғәҙәттәре тураһында ҡунаҡтар "Фольклор ултырыш" майҙанында беләсәк. 
Балалар майҙансығында кескәйҙәр өсөн эшләнелгән махсус тактиль китаптар, уларҙы әҙерләү материалдары, ҡулдан эшләнгән ҡурсаҡтар менән танышырға мөмкин буласаҡ. Ошонда уҡ "Тылсымлы лампа" ҡурсаҡ театры Башҡортостанда йәшәгән халыҡтар тураһында спектакль күрһәтәсәк. 
Башҡорт халыҡ кейеме "Селтәр" студияһы ҡатнашыусылары балалар өсөн фольклор уйындар алып барасаҡ, милли кейем элементтарын әҙерләү буйынса мастер-класс үткәрәсәк. 
Сара барышында "Милли кейем - халҡым мираҫы" фотозонаһы эшләйәсәк. 
Акция аҙағында ҡатнашыусыларҙы концерт программаһы һәм конкурстарҙа еңеүселәрҙе бүләкләү тантанаһы көтә. "Халыҡ әкиәттәре" онлайн марафоны сиктәрендә, китапханасылар социаль селтәрҙәрҙә сыуаш телендә "Бейеүсе төлкө" видеоәкиәте менән ҡатнашасаҡ. 
Махсус китапхана филиалдары ла Библиотөн акцияһында ҡатнашасаҡ. 
Бәләбәй филиалында мастер-класстар үткәреләсәк, Белорет ҡалаһындағы филиал ҡунаҡтарына фольклор-йолалар байрамын ойошторасаҡ, Стәрлетамаҡтағы коллегаларыбыҙ балалар өсөн башҡорт халыҡ ҡурсаҡтарын әҙерләү буйынса мастер-класс үткәрәсәк.

Поделиться

You are reporting a typo in the following text:
Simply click the "Send typo report" button to complete the report. You can also include a comment.