Инвалид балалар араһында "Аксаковтың тылсымлы донъяһы" республика ижади конкурсы

Инвалид балаларға уларҙың социаль яраҡлашыуына, тулы ҡиммәтле, шәхси һәм интеллектуаль үҫешенә, инвалид балаларҙа уҡыуға тотороҡло ихтыяж тәрбиәләүгә булышлыҡ итеү маҡсатында 2026 йылда С. Т. Аксаковтың тыуыуына 235 йыл тулыуға инвалид балалар араһында «Аксаковтың тылсымлы донъяһы» Республика ижади конкурсы үткәрелә.

Конкурсты ойоштороусы-Башҡортостан республикаһының мәҙәниәт министрлығы. Сараны үткәреүҙә муниципаль китапханалар, ижади берләшмәләр һәм инвалид балалар һәм уларҙың ғаиләләре менән эшләгән йәмәғәт ойошмалары ярҙамында Мәкәрим Хөсәйен улы Төхвәтшин исемендәге һуҡырҙар өсөн Башҡортостан республика махсус китапханаһы ҡатнаша.

Конкурста Башҡортостан республикаһы биләмәһендә урынлашҡан өйҙә йәки дөйөм белем биреү, коррекция ойошмаларында уҡыған 7-18 йәшлек кесе, урта һәм өлкән мәктәп йәшендәге инвалид балалар, ошо категория уҡыусылары өсөн китапхана хеҙмәттәре күрһәтеүсе китапханалар менән берлектә ғариза биргән инвалид бала тәрбиәләгән ғаилә ағзалары ҡатнаша ала.

Конкурсты үткәреү ваҡыты - 2026 йылдың 2 февраленән 2026 йылдың 31 майына тиклем. Конкурс өс номинация буйынса бер нисә этапта үтә, шәхси һәм коллектив эштәр ҡабул ителә:

1. "Һүҙ тылсымсыһы": С.Т. Аксаковтың яратҡан әҫәрҙәре тураһында әҫәр, эссе, хикәйә (шиғырҙа йәки прозала) бирелә.

2.  "Аксаков әҫәрҙәре донъяһына сәйәхәт": мультимедиа продукты: буктрейлерҙар ҡабул ителә.

3. "Аксаковты уҡыйбыҙ": С.Т. Аксаковтың яратҡан китабын файҙаланып, конкурс темаһына тактиль ҡул эштәре китабы бирелә.

Бөтә ҡатнашыусылар ҙа дипломдар менән бүләкләнәсәк, улар конкурсҡа йомғаҡ яһау буйынса тантаналы сарала тапшырыласаҡ.