Хәрби Дан музейына экскурсия

20 февралдә Һуҡырҙар өсөн Башҡортостан китапханаһы уҡыусыларының Республика Хәрби Дан музейына экскурсияһы үтте. Уҡыусылар музейҙың төп һәм махсус яраҡлаштырылған экспозициялары менән танышты. «Башҡортостан Икенсе донъя һуғышы йылдарында» экспозицияһы 1941-1945 йылдарҙағы һуғыш йылдарында халыҡтың көнкүреше тураһында "Башҡорт йорто", "Фронтҡа оҙатыу", "Тыл хеҙмәтсәндәренең батырлығы", "Станок артындағы үҫмер"  диорамалары һөйләй. Экспозицияның айырым бүлеге Башҡортостанда тыуып үҫкән яугир-интернационалистарҙың ҡаһарманлығына арналған. Тәҡдим ителгән шәхси әйберҙәр, ҡорал, хаттар Афғанстанда яҡташтарыбыҙҙың батырлығы тураһында һөйләй. Айырым экспозиция Башҡортостанда тыуғандарға, хәрби-һауа оборонаһы зонаһында хәрби хәрәкәттәрҙә ҡатнашыусыларға арналған.

Киңәйтелгән экспозициялар һәм экспонаттар Брайль системаһы буйынса яраҡлаштырылған этикетаж менән тәьмин ителгән.
Музейҙың икенсе ҡатында тулыһынса «1941-1945 йылдарҙағы Бөйөк Ватан һуғышы фронттарында хәрби хәрәкәттәр» экспозицияһы урынлашҡан һәм хәрби хәрәкәттәр осорондағы айырым әһәмиәтле ваҡиғаларға арналған тематик бүлектәрҙән тора.
Артабан экскурсанттар насар күреүселәр, һуҡырҙар өсөн махсус әҙерләнгән «Тарихҡа ҡағыл» тактиль күргәҙмәһе менән танышты. Музей хеҙмәткәрҙәре тактиль тикшереү өсөн хаттар, ордендар һәм миҙалдар, хәрби көнкүреш һәм кейем-һалым әйберҙәре (фляжка, билбау, пилотка, планшет), 1941-1945 йылдарҙағы Бөйөк Ватан һуғышы осорондағы техника макеттарын тәҡдим итә. Тактиль күргәҙмәлә ҡоралдан Шпагин системаһының 1941 йылғы өлгөһөндәге пистолет-пулемет (ппш) күрһәтелә.
Экскурсияла ҡатнашыусылар, һуҡырҙар өсөн махсус китапхана уҡыусылары республика Хәрби Дан музейы хеҙмәткәрҙәренә яраҡлаштырылған экспозицияны ҡарау мөмкинлеге өсөн рәхмәт белдерҙе.
#БРСБС_90