«Балаганчик» инклюзив театры сәхнәләштереүендә «Туй» спектакле

М.Х. Төхвәтшин исемендәге Башҡортостан республикаһы махсус һуҡырҙар китапханаһында Михаил Зощенконың шундай уҡ исемле повесы буйынса «Балаганчик» инклюзив театры сәхнәләштергән «Туй» спектакле күрһәтелде.
Сюжет буйынса, «Туй»ҙың төп геройы — Володька Завитушкин тиҙ арала тәҡдим яһарға ашыға, ләкин кәләше ниндәй күренештә икәнен иҫтә тотмай. Нәтижәлә, тантана барышында ул үҙенең кәләшен бүтән бер таныш булмаған ҡатын менән бутап ҡуя. Был хәл күп комик һәм абсурд мәлдәргә килтерә, тамашасыларҙы көлкө һәм ҡыҙыҡлы хәлдәр донъяһына сумдыра, залда ихлас көлкө һәм шатлыҡ атмосфераһын тыуҙыра. Михаил Зощенконың сатира-фарс комедияһы үткән быуаттың утыҙынсы йылдарында яҙылһа ла, уның сюжеты бөгөн дә актуаль булып ҡала.
Спектаклде талантлы актерҙар төркөмө, художество етәксеһе һәм тифлокомментатор Марина Иванова етәкселегендә әҙерләне. Тауыш режиссеры — Вадим Бессольцев. Сәхнәлә театр актерҙары: Фәнүр Бәҙретдинов, Илдар Мансуров, Ринат Сөләймәнов, Олег Бугров, Рима Хөсәйенова, Сулпан Ракаева һәм Рәмзиә Тарасова сығыш яһаны.
«Туй» спектакленең күрһәтелеүе ҙур уңыш менән тамамланды: тамашасылар ваҡиғалар үҫешен ҙур ҡыҙыҡһыныу менән күҙәтте. Тамаша тамамланғас, актерҙарға оҙаҡҡа һуҙылған һәм дәррәү алҡыштар бүләк ителде.