Оло байрам - Республика көнө - етеп килеү айҡанлы махсус китапханала "Башҡортостан мөғжизәләре" әҙәби-музыкаль программа уҙғарылды. Сарала китапхананың уҡыусылары һәм профессиональ артистар ҡатнашты.
Тантаналы сара республика гимны менән асылды. Артабан "Башҡортостандың ете мөғжизәһе" видеоролигы тамашасыларҙы башҡорт еренең һәм халҡының тарихы, мәҙәниәте, йолалары, ғөрөф-ғәҙәттәре менән таныштырҙы.
Кисә барышында тыуған ер матурлығын данлаған шиғырҙар яңғыраны. Артистар һәм ижади коллективтар сағыу номерҙар менән ҡыуандырҙы.