М. Кәрим «Усағыма рәхим итегеҙ…»

Башҡортостан республикаһының һуҡырҙар өсөн махсус китапханаһы һеҙҙең иғтибарығыҙға «Усағыма рәхим итегеҙ…» исемле тауышлы китап күргәҙмәһен тәҡдим итә. Ул Башҡортостандың халыҡ шағиры Мостай Кәримдең тыуыуына 95 йыл булыуына арналған. Күргәҙмә дүрт бүлектән тора:
1. “Тыуған йылым ун туғыҙҙан уңдым...” бүлегендә шағирҙың биографияһына ҡағылышлы энциклопедик, мәғлүмәти, әҙәбиәт ғилеме буйынса йыйынтыҡтарурын алған.
2. “...Сая мөхәббәтем яу ҡырында.”
Бөйөк Ватан һуғышы Мостай Каримдең ғүмерендә бик ҙур роль уйнай, ул ошо мәлдәрҙә шәхес, шағир, гражданин булараҡ формалаша.
3. “Беҙҙең бурыс – матурлыҡты һаҡлап ҡалыу...”
Бында махсус китапхананың фондындағы Мостай Кәримдең китаптары төрлө мәғлүмәт һаҡлағыстарҙа күрһәтелгән. 
4. « Мин киткәндә, берәй быуатҡа 
Бүленеп ҡалһа ине йырҙарым.»
Был бүлектә халыҡ яҙыусыһының ижадын мәңгеләштереү хаҡында материалдар һәм уның вафат булыуынан һуң нәшер ителгән материалдар тупланған.
Башҡортостандың халыҡ шағиры Мостай Кәримдең тыуыуына 95 йыл булыуына арналған «Усағыма рәхим итегеҙ…» исемле тауышлы китап күргәҙмәһе менән һеҙ "ютюб"-та йәки сайттың Виртуаль күргәҙмә бүлегендә таныша алаһығыҙ.