Еңеү көнө менән!
Нет аудиозаголовка!!!
Хөрмәтле уҡыусылар!
Бөйөк Еңеү байрамы менән!
1941-1945 йылдарҙағы Бөйөк Ватан һуғышында Совет Армияһы һәм совет халҡы нацист Германияһын еңеүе менән!
Ата-олатайҙарҙың һуғыштағы ҡаһарманлығы, тылда эшләүселәрҙең тырышлығы онотолмай, улар халыҡ хәтеренә мәңгелеккә уйылған. Атай-олатайҙарыбыҙҙың илбаҫар дошманды еңеүенең 69 йыллығын ҡаршылайыҡ. Ваҡыт ағымында бәләкәй генә бер тамсы был йылдар. Ныҡлы әҙерлекле дошманға йәне-тәне менән ҡаршы тороп, илһөйәрлек һәм ҡаһарманлыҡ ҡалҡаны булған быуындың баһаһын тулы аңлау өсөн артығы менән еткәндер был ваҡыт. Тыуған ил, беҙ - тыуыр балалары өсөн ғүмерҙәрен һалдылар, әммә еңделәр.
Хөрмәтле Бөйөк Ватан һуғышы ветерандары, тыл хеҙмәткәрҙәре! Һеҙҙе ысын күңелдән Бөйөк Еңеү көнө менән ҡотлайбыҙ, ныҡлы һаулыҡ, именлек һәм оҙон ғүмер теләйбеҙ.
Еңеү көнө - оло байрам,
Ветерандар байрамы.
Уларға тип өҙөлгәндәр,
Матур гөлдәр бәйләме.
Сәскәләр ҙә көлә кеүек,
Байрам менән ҡотлайҙар.
Еңеп ҡайтҡан батырҙарҙы
Улар ҙа онотмайҙар.