Махсус китапхана абонементы рус шағиры Афанасий Феттың тыуыуына 200 йыл тулыу айҡанлы "Һүҙ менән әйтә алмағанды йөрәк менән һөйлә" китап күргәҙмәһен аса.
Рус шағир-лиригы, тәржемәсе, мемуарҙар яҙыусы, Петербург Ғилем Академияһы корреспондент ағзаһы Афанасий Афанасий улы Фет 1820 йылдың 23 ноябрендә Орлов губернияһы Мценск өйәҙе Новосёлки усадьбаһында донъяға килә. Бай помещик ғаиләһендә үҫә. 1835-1837 йылдарҙа Крюммер шәхси немец пансионында уҡый. Ошо ваҡытта ул шиғырҙар яҙа башлай һәм классик филология менән ҡыҙыҡһына. 1838 йылда Мәскәү университетына уҡырға инә.
1840 йылда шағирҙың тәүге "Лирик пантеон" йыйынтығы донъя күрә.
