Новости

2024 йылдан Рәсәй Федерацияһында Ватан уйындарын һәм уйынсыҡтарын эшләүселәрҙең һәм етештереүселәрҙең беренсе тапҡыр "Тыуған уйынсыҡ" конкурсы (артабан "Тыуған уйынсыҡ" проекты, конкурсы) старт алды. Уның маҡсаты – традицион рәсәй рухи-әхлаҡи ҡиммәттәренә таянып, үҙенсәлекле ватан уйындары һәм уйынсыҡтары етештереүҙе дәртләндереү, булдырыу һәм үҫтереү.
Ватан уйындары һәм уйынсыҡтары балаларға үҙ иленең тарихын яҡшыраҡ белергә, патриотик тойғолар тәрбиәләргә, бәләкәйҙән ижади һәм фәнни-техник фекерләүҙе үҫтерергә ярҙам итергә тейеш. «Тыуған уйынсыҡ» конкурсында 14 йәштән өлкән кешеләр һәм ойошмалар ҡатнаша ала. Проектта ҡатнашыу бушлай. «Тыуған уйынсыҡ» конкурсына ғаризалар 2025 йылдың 14 февраленә тиклем ҡабул ителә. Конкурс йомғаҡтары 2025 йылдың 1 сентябрендә билдәләнәсәк. Проект еңеүселәренең уйын һәм уйынсыҡ моделе беренсе тираж етештереү өсөн йүнәлтеләсәк. Ул балалар магазиндарына, электрон сауҙа майҙансыҡтарына, балалар һәм белем биреү ойошмаларына таратыласаҡ. Еңеүселәр үҙҙәренең уйындарын һәм уйынсыҡтарын артабан үҫтереү өсөн авторлыҡ отчислениеһы һәм мәғлүмәт ярҙамы аласаҡ. Проект тураһында тулы мәғлүмәт - «Белем» рәсәй йәмғиәте сайтында