Тауыштан уҡыуҙар: Артем Бондаренко

Һуҡырҙар өсөн Башҡортостан республика махсус китапханаһында уҡыусылар өсөн "Тауыштан уҡыуҙар" үтте. Артем Бондаренконың «Ҡәһәрле осрашыу» китабынан бүлектәр яңғыраны. Артем Бондаренконың китабы Башҡортостанда һаулыҡ мөмкинлектәре сикләнгән кешеләр хаҡында хәстәрлек күреү йылында иғлан ителгәнгә тап килә.

Китап Мәкәрим Хөсәйен улы Төхвәтшин исемендәге һуҡырҙар өсөн Башҡортостан республика махсус китапханаһында насар күргән һәм бөтөнләй һуҡыр кешеләр өсөн ҙурайтылған һәм ҡабарынҡы-нөктәле Брайль шрифты менән нәшер ителгән.
Был китаптың темаһы - тәбиғәт һәм кеше. Әммә тематикаһы буйынса айырылып торған бер нисә әҫәр ҙә бар, улар - "Дуҫымдың фотоһы" һәм "Цирк тамашаһы" хикәйәләре. Уларҙың геройҙары ҡала мөхитендә йәшәй һәм улар менән реаль тормош хәлдәре бара. Китап киң уҡыусылар даирәһенә иҫәпләнгән, әммә, моғайын, фантастика һөйөүселәрҙе ул ҡыҙыҡһындырмаҫ. Мин үҙемдең әҫәрҙәрем менән шуны әйтергә теләйем: цивилизацияһыҙ йәшәгән кешеләр беҙҙең кеүек үк тулы тормош алып бара. Был китаптың маҡсаты - тәбиғәттең көсөн һәм бөйөклөгөн күрһәтеү, уҡыусылар үҙе булған тәбиғәт атмосфераһына үтеп инһен өсөн.
Бондаренконың яҙыусылыҡ дебюты бик уңышлы була. Китапты Башҡортостандың махсуслаштырылған китапханаларында һәм Өфөнөң 28-се коррекция мәктәп-интернатында ҡыҙыҡһынып уҡыйҙар. Ә автор уны илдең башҡа ҡалаларына һәм төбәктәренә ебәрергә ниәтләй. «Ҡәһәрле осрашыу» китабы ваҡиғаларҙы, күренештәрҙе һәм предметтарҙы төрлөсә баһалаусы кешеләр тураһында һөйләй, сөнки барыбыҙҙың да донъяға һәм әйберҙәргә үҙ ҡарашы бар.
Артем Өфө дәүләт Нефть Техник университетының информатика, математика һәм робототехника факультетының икенсе курсында уҡый. Унда Өфөнөң һуҡыр һәм насар күргән уҡыусылар өсөн 28-се коррекция мәктәп-интернатынан һуң уҡырға инә. Мәктәптә ул йөҙөү, шахмат, шашка, дзюдо менән мауыға. Шул уҡ ваҡытта яҡшы уҡый, алтын миҙал менән тамамлай. Хәҙер өҫтәл теннисы һәм ҡаяға үрмәләү менән шөғөлләнә. 2021 йылда ул Башҡортостандан берҙән-бер һуҡыр ҡатнашыусы һәм Мәскәүҙә үткән параскалолазание буйынса донъя чемпионатында Рәсәйҙән берҙән-бер финалсы була.