Новости

10.11.2025

Махсус китапханала Роман Сәйфуллиндың графика күргәҙмәһе

М. Х. Төхвәтшин исемендәге һуҡырҙар өсөн Башҡортостан республика махсус китапханаһында талантлы рәссам, Рәсәй рәссамдар Союзы ағзаһы һәм Ҡ. Дәүләткилдиев исемендәге республика художество гимназия-интернаты педагогы Роман Сәйфуллиндың графика күргәҙмәһе асылды. Роман Рәсәйҙең һәм Башҡортостандың атҡаҙанған рәссамы Камил Ғөбәйҙуллиндың уҡыусыһы. Ул ижади һәм педагогик эшмәкәрлеген уңышлы берләштерә. Сәнғәт һәм уҡытыуҙан тыш, Роман социаль эш менән әүҙем шөғөлләнә.

07.11.2025

Өфө медицина колледжында һайлау хоҡуғы мәсьәләләре буйынса конкурс үтте

6 ноябрь Өфө медицина колледжында 18 йәштән кесерәк сәләмәтлек мөмкинлектәре сикләнгән граждандар араһында һайлау хоҡуғы һәм һайлау процесы мәсьәләләре буйынса республика конкурсының район этабы үтте. Конкурсты ойоштороусылар булып Башҡортостан Республикаһының Үҙәк һайлау комиссияһы, Өфө ҡала округының Октябрь районы территориаль һайлау комиссияһы һәм Мәкәрим Хөсәйен улы Төхвәтшин исемендәге һуҡырҙар өсөн Башҡортостан республика махсус китапханаһы сығыш яһаны.

03.11.2025

Сәнғәт төнө2025

3 ноябрь Рәсәйҙең бөтә төбәктәрендә йыл һайын үткәрелеүсе «Сәнғәт төнө»акцияһы үтә. Быйыл уның саралары халыҡтар берҙәмлеге көнөнә арнала һәм «Мәҙәниәттәр берҙәмлегендә – халыҡ көсө» девизы аҫтында үтә. Онлайн режимда Мәкәрим Хөсәйен улы Төхвәтшин исемендәге һуҡырҙар өсөн Республика махсус китапханаһы сайтында башҡорт яҙыусыһы һәм драматургы Мостай Кәримдең әҫәре буйынса төшөрөлгән «Ай тотолған төндә» нәфис фильмы бар. Фильмдың сюжеты XVII быуатта башҡорт далаһында бара.