Новости

12.09.2025

12 сентябрҙә М. Х. Төхвәтшин исемендәге Башҡортостан республикаһының һуҡырҙар өсөн махсус китапханаһында Милләт кейеме көнөнә арналған байрам сараһы үтте.

11.09.2025

Рәшит Низамовтың китабы һуҡырҙар өсөн башҡорт телендә баҫылды

М. Х. Төхвәтшин исемендәге Башҡортостан республикаһының һуҡырҙар өсөн махсус китапханаһының тифло-нәшриәт бүлегендә Рәшит Низамовтың «Танып ҡыҙы» исемле китабы донъя күрҙе. Әҫәр ҡабарынҡы-нөктәле Брайль шрифтында башҡорт телендә баҫылды.
Рәшит Зияфетдин улы Низамов — яҙыусы, журналист, йәмәғәт эшмәкәре, Башҡортостан Республикаһының атҡаҙанған мәҙәниәт хеҙмәткәре, Яҙыусылар союзы ағзаһы. Ул үҙенең әҫәрҙәрендә кешеләр араһындағы ҡатмарлы мөнәсәбәттәрҙе, уларҙың кисерештәрен, ҡаршылыҡтарын һәм үҫешен оҫта сағылдыра.

05.09.2025

Изгелек территорияһы: 90 йыл халыҡҡа асыҡ уҡыу

М. Х. Төхвәтшин исемендәге Башҡортостан республикаһының һуҡырҙар өсөн махсус китапханаһы ойошторолоуына 90 йыл тулыу айҡанлы юбилей саралары сиктәрендә һеҙҙең иғтибарға «Изгелек территорияһы: 90 йыл халыҡҡа асыҡ уҡыу» тигән видеопрезентация тәҡдим итәбеҙ. Унда китапхананың мөмкинлектәре һәм сәләмәтлектәре сикләнгән кешеләр өсөн алып барған эшмәкәрлегенең мөһим йүнәлештәре сағылыш тапҡан.
Видеопрезентацияға һылтанма: https://vkvideo.ru/video205296142_456239570