Рәсәй көнөнә М. Х. Төхвәтшин исемендәге һуҡырҙар өсөн Башҡортостан республика махсус китапханаһында "Һинең менән ғорурланам, минең Рәсәйем" байрам программаһы үтте.
Концертта әүҙем уҡыусылар һәм ижади шәхестәр ҡатнашты. Сәхнәнән Илдус Богданов, Марина Иванова, Рәмил Вәлиев, Рәмзиә Тарасова, Зарема Сөләймәнова һәм Андрей Ерохин башҡарыуында музыкаль әҫәрҙәр яңғыраны. Шиғырҙы Римма Хөсәйенова уҡыны.
Хөрмәтле уҡыусылар!
Байрам көндәрендә китапхананың эш режимы тураһында һеҙгә хәбәр итәбеҙ.
"Рәсәй көнө" дәүләт байрамы хөрмәтенә:
11 июнь: 9:00 сәғәттән 16:00 сәғәткә тиклем (ҡыҫҡартылған эш көнө).
12-14 июнь: ял көндәре.
15 июнь: ғәҙәти график буйынса эш.
ихтирам менән, администрация
Мәкәрим Хөсәйен улы Төхвәтшин исемендәге һуҡырҙар өсөн Башҡортостан республика махсус китапханаһының тифлобаҫма бүлегендә «Легендар разведчик, Бөйөк Ватан һуғышы геройы Даян Мырҙин» рельефлы-график әсбап донъя күрҙе.
Китап һуҡырҙар өсөн Брайль шрифты менән баҫтырылған һәм насар күргән уҡыусылар өсөн ҙурайтылған, шулай уҡ рельефлы-график иллюстрациялар менән тәьмин ителгән.