"Экология белгестәре" квизы

Эколог һәм бөтә донъя тирә-яҡ мөхитте һаҡлау көнө алдынан Өфө яғыулыҡ-энергетика колледжы студенттары өсөн Мәкәрим Хөсәйен улы Төхвәтшин исемендәге һуҡырҙар өсөн Республика махсус китапханаһында «Белгес экологтар»танып белеү интеллектуаль уйыны үтте.

Алып барыусылар ҡатнашыусылар өсөн эрудицияны тикшереүгә генә түгел, ә тирә-яҡ мөхит проблемаларына иғтибар йәлеп итеүгә йүнәлтелгән төрлө һәм мауыҡтырғыс программа әҙерләне. Студенттарға төрлө өлкәләрҙәге һорауҙарға яуап биреп, белем менән балҡырға тура килде: тыуған яҡтың һирәк осраған хайуан һәм үҫемлек төрҙәренән алып глобаль климат үҙгәрештәренә һәм ҡалдыҡтарҙы эшкәртеүҙең заманса ысулдарына тиклем.

Дәрт менән ярышып, ҡатнашыусылар темаларҙы һайлай һәм мөмкин тиклем күберәк балл йыйыу өсөн һорауҙарға яуап бирҙе. Сара йылы һәм дуҫтарса мөхиттә үтте һәм үҫеп килгән быуындың экологик мәҙәниәтен формалаштырыуға ҙур өлөш индерҙе.