Бөгөн махсус китапханала "Иҫләй йөрәк, онотмай һис тә" хәтер сәғәте үтте. 
"Обелиск" эҙләү отряды командиры Елена Вязовцева урман техникумы студенттарына һуғышта ҡатнашыусылар, юғалтыуҙар, ҡоралланыуҙар тураһында һөйләне. 
Күргәҙмәлә тәҡдим ителгән тактиль экспонаттарҙа, һуғыш урындарынан табылған артефакттарҙа Совет иле өсөн ҡанлы алыштарҙың ысын тарихы сағыла. Елена Вязовцева осрашыуҙа ҡатнашыусыларға ҡыҙылармеецтарҙың документтарын, мина, граната өлөштәрен, ҡорал деталдәрен, хәрбиҙәрҙең каскаларын, фронт гәзиттәренең фотокүсермәләрен күрһәтте.
Махсус китапхана абонементы "Ватанымды һәм шиғриәтте ныҡ яраттым" китап күргәҙмәһен тәҡдим итә. Күргәҙмә рус шағиры, лирик, тәржемәсе, дипломат, чиновник Федор Тютчевтың тыуыуына 220 йыл тулыуға арнала. 
Федор Тютчев 1803 йылдың 5 декабрендә әлеге Брянск өлкәһендә тыуған. Ул билдәле боронғо рус дворян ғаиләһенән. Шағирҙың атаһы Иван Тютчев Кремлдә хеҙмәт иткән, ғүмере аҙағында "Кремль төҙөү экспедицияһын" етәкләй. Федор Тютчевтың әсәһе Екатерина Толстая бик аҡыллы фекер йөрөтөүсе ҡатын булараҡ билдәле. 

Тютчевтар бик татыу йәшәйҙәр. Ата-әсә балаларына өйҙә яҡшы белем бирергә тырыша: рус һәм француз телдәрен, музыка өйрәтәләр. 1812 йылда Фёдорға Семен Раич исемле уҡытыусыны яллайҙар. Ул боронғо грек, латынь, итальян телдәре белгесе була. Уның ярҙамында буласаҡ шағир антик әҙәбиәтте өйрәнә. Тап Раичҡа Фёдор Тютчев тәүге шиғырҙарын бағышлай. 
Буласаҡ шағир күп китап уҡыуҙан тыш, тарих һәм сәнғәт менән дә ҡыҙыҡһына. Уның яратҡан китаптары араһына Державиндың, Жуковскийҙың, Ломоносовтың йыйынтыҡтары һәм Карамзиндың "Рәсәй дәүләте тарихы" китабы инә. 1816 йылдан ул Мәскәү университетына лекцияларға йөрөй. Шағирҙың тәүге шиғырҙары 14 йәшендә баҫыла башлай. 
Күргәҙмәлә махсус китапхана фондында һаҡланған китаптар тәҡдим ителә. 
Ҙурайтылған шрифты баҫмалар:

Тютчев, Фёдор Иванович.

Стихотворения [Текст] / Ф. И. Тютчев .— М. : Логос ВОС, 2011 .— 303 с .— (Издание для слабовидящих) .— Перепеч.: М.: Правда, 1983 .— ISBN 978-5-419-00362-0 (217,25) .

«Говорящие» книги на электронных носителях:

Тютчев, Ф.Ф.

КТО ПРАВ?; БЕГЛЕЦ : Романы / ; Читает Е. Терновский .— М., 1996 .— 6 мфк. (23 ч. 4 м. 30 с.): 2, 38 см/с, 4 дор. — С изд.: М.: ПРАВДА, 1990.

Фет, А.А.

Стихотворения [Электронный ресурс] / А.А.Фет; Ф.И. Тютчев ; В. Куприрянов; Ю. Григорьев .— М. : ООО " Библиофоника ", 2006 .— 1 электрон. опт. диск (CD-ROM): 8 ч 19 м. - Формат МР3 .— (Русская классическая поэзия) .

Тютчев, Ф.

Беглец [Электронный ресурс] : роман / Ф. Тютчев .— М. : Логосвос, 2014 .— 1 фжд : Формат MP3 .— С жесткого диска № 5. — ISBN 978-5-419-01290-5.
Тютчев, Ф.

Кто прав? [Электронный ресурс] : роман / Ф. Тютчев .— М. : Логосвос, 2014 .— 1 фжд : Формат MP3 .— С жесткого диска № 5. — ISBN 978-5-419-01290-5.

Тютчев, Ф.

Избранные произведения [Звукозапись] / Фёдор Тютчев ; чит. Ю. Рудник .— М. : Логосвос, 2017 .— 1 фжд : Формат MP3 .— С изд. : С жесткого диска № 8.
Тютчев, Ф.

О время, погоди! [Звукозапись] / Ф. Тютчев ; чит. М. Казаков .— Уфа : БРСБС, 2019 .— 1 фжд : Формат MP3 .— С изд. : С файла жесткого диска БРСБС.
Тютчев, Ф. 

Нам не дано предугадать. [ Звукозапись] : стихотворения / Ф. Тютчев ; чит. В. Самойлов .— М. : Треола, 2019 .— 1 фк. ( 29 ч 25 мин) .— С изд.: Запись с ориг. ООО "Треола", 2019.

В одной обложке с: Отцы и дети; Ася [звукозапись] : романы / И. С. Тургенев ; чит. Л. Пилькевич., Первая любовь [звукозапись] : роман / И. С. Тургенев ; чит. В. Максимов., Рассказы и повести [звукозапись] / И. С. Тургенев ; чит. О. Исаев., Месяц в деревне [звукозапись] : пьеса / И. С. Тургенев ; чит. артисты театра.

Книги, изданные плоско-печатным шрифтом:

Тютчев, Ф. И. .

Стихотворения ; Письма [Текст] / Ф. И. Тютчев .— М. : Правда, 1986 .— 544 с.

 

 

3 декабрь Халыҡ-ара инвалидтар көнө билдәләнде. Генераль Ассамблея бөтә дәүләттәрҙе һәм халыҡ-ара ойошмаларҙы был көндө билдәләүҙә хеҙмәттәшлек итергә саҡырҙы. Һуңыраҡ, ошо уҡ сессияла, Генераль Ассамблея ООН дәүләт ағзаларын саралар ойошторорға саҡырҙы. 
Махсус китапханала даими уҡыусылар, дуҫтар йыйылды. Китапханасылар был датаның барлыҡҡа килеү тарихы һәм мәғәнәһе тураһында һөйләне. "Атайсал" мәҙәни үҙәк артистары, әүҙем уҡыусыларыбыҙ башҡарыуында рус, башҡорт һәм татар телдәрендә йырҙар  һәм шиғырҙар яңғыраны.
 
Бөгөнгө көндә компьютер менән эш итә белеү бик мөһим. Сөнки компьютер ярҙамында беҙ медицина хеҙмәтләндереүҙәре менән ҡулланабыҙ, Дәүләт хеҙмәттәре сайтына инәбеҙ, йәиһә социаль селтәрҙәрҙә дуҫтарыбыҙ менән аралашабыҙ. 
Компьютерҙы белеү мөмкинлектәре сикләнгәндәр өсөн тормошҡа яңы мәғәнә өҫтәү ысулы. Компьютер һуҡырҙарҙы реабилитациялау буйынса иң яҡшы ысул. Әммә бик әҙ процент һуҡырҙар ғына компьютер менән эш итә белә. Һуҡырҙар өсөн махсус компьютер программа барлығы тураһында күптәр белмәй. 
М. Х. Төхвәтшин исемендәге һуҡырҙар өсөн Башҡортостан республика махсус китапханаһы ошо мәғлүмәтте таратыу маҡсатынан сығып, компьютер грамоталығына өйрәнеү буйынса курстар аса. Проект китапханала 2007 йылдан алып эшләй. Ошо ваҡыт эсендә 200 кешенән ашыу дәрестәр алды. Курс етәксеһе, мәғлүмәти технологиялар бүлеге белгесе Бәҙретдинов Фәнүр Инсафетдин улы компьютер буйынса белем алыуҙың кәрәклегенә баҫым яһай. Йыл эсендә Фәнүр Инсафетдин улы махсус китапханала 40 һәм өйгә йөрөп 45 дәрес үткәрҙе. Ҡулланыусылар һорауы буйынса дәрестәргә GPS навигацияһын өйрәнеү индерелде. 
Дәрестәргә алдан яҙылыу мотлаҡ. Тел: +7 347 272 70 14

 

Бөгөн, 29 ноябрь, махсус китапханала Башҡортостан Республикаһы башлығы гранты аҡсаһына тормошҡа ашырылған "Донъялар сатында" проектына йомғаҡ яһалды. 
Грант республиканың һуҡыр һәм насар күргән уҡыусыларына тыуған яҡты өйрәнеү буйынса йөкмәткеле мәғлүмәт ресурстарын тәьмин итеү һәм күреү һәләте ныҡ боҙолған кешеләрҙең мәҙәни-тарихи  белемен киңәйтеү өсөн әҙерләнгән. Яҙыусы Йәүҙәт Ильясовтың һуҡыр уҡыусылар өсөн ижадын презентациялау һәм Брайль шрифы менән баҫтырылған китаптар грант буйынса һуңғы йомғаҡ булып тора. 

Йәүҙәт Ильясов - Башҡортостанда тыуған, оҙаҡ йылдар Үзбәкстанда йәшәүсе, Урта Азияның боронғо һәм урта быуаттар тарихы темаһын яҡтыртҡан күп әҫәрҙәр авторы. Ижади эшмәкәрлегенең һөҙөмтәһе булып повестар һәм романдар, театр сценарийҙары, шиғырҙар, мәҡәләләр һәм башҡорт, татар, үзбәк, рус телдәрендә тәржемәләр тора. 
Осрашыу Өфө, Ташкент, Мәскәү, Стерлитамак, Белорет, Бәләбәй ҡалаларын бәйләгән телекүпер аша барҙы. Етенсе саҡырылыш Башҡортостан республика Ҡоролтай дәүләт йыйылышы депутаты, "Шоңҡар" республика журналының баш мөхәррире Айгиз Баймөхәмәтов яҙыусы ижадын бөтә ҡатлам халыҡтар өсөн дә популярлаштырыу актуаллеге тураһында әйтеп үтте. Ике республика халыҡтары араһында дуҫлыҡ ептәрен һуҙыуҙа индергән өлөшө өсөн махсус китапхана хеҙмәткәрҙәренә рәхмәт һүҙҙәрен еткерҙе. 
Яуап һүҙҙә Үзбәкстан яҙыусылар союзы Рус әҙәбиәте советы председателе урынбаҫары Галина Долгая осрашыуҙа ҡатнашыусыларҙы сәләмләне, ижади хеҙмәттәшлек өсөн рәхмәт белдерҙе. 
Тура бәйләнеш режимында яҙыусының балалары - Йәндәр һәм Илона аталары тураһында хәтирәләр менән уртаҡлашты. 
Ҡунаҡтар "Йәүҙәт Ильясов. Марстан килгән кеше" тифлокомментарийлы документаль фильмынан өҙөк менән танышты. 
Грант аҡсаһына нәшер ителгән "Ҡара тол ҡатын" китабы Үзбәкстандың һуҡыр уҡыусыларына, Өфө ҡалаһының 28-се коррекцион мәктәп-интернатына, махсус китапхана филиалдарына бүләк ителәсәк. 
Нәзилә Дәүләтханова, махсус китапхананың фондтарҙы үҫтереү һәм каталоглаштырыу бүлеге мөдире: Мәкәрим Хөсәйен улы Төхвәтшин исемендәге һуҡырҙар өсөн Башҡортостан республика махсус китапханаһы оҙаҡ йылдар дауамында Брайль шрифында тыуған яҡты өйрәнеү йөкмәткеле китаптар нәшер итә. Махсус китапхана үҙенең нәшриәт эшмәкәрлеген йылдан-йыл киңәйтә. Китапхана эсендә тормошҡа ашырылған бөтә нәшриәт проекттары белемде үҫтереүгә, милли телгә, фольклорға, башҡорт йолаларына ҡарата ҡыҙыҡһыныу һәм ғорурлыҡ тойғоһо формалаштыра. Һуңғы йылдарҙа китапхана кәштәләрендә тыуған яҡты өйрәнеү буйынса рус һәм башҡорт телдәрендә Брайль шрифлы китаптар барлыҡҡа килде. Мостай Кәрим, Наил Ғәйетбаев, Мифтахетдин Аҡмулла, Салауат Юлаев кеүек билдәле башҡорт яҙыусыларының әҫәрҙәре рус һәм башҡорт телдәрендә Брайль шрифында нәшер ителде. 
Махсус китапхана проекты арҡаһында Йәүҙәт Ильясовтың ижады һуҡырҙар өсөн дә асыҡ буласаҡ. 

 

 

29 ноябрь махсус китапханала Башҡортостан Республикаһы башлығы гранты аҡсаһына тормошҡа ашырылған "Донъялар сатында" проектының презентацияһы үтәсәк. 
Грант республиканың һуҡыр һәм насар күргән уҡыусыларына тыуған яҡты өйрәнеү буйынса йөкмәткеле мәғлүмәт ресурстарын тәьмин итеү һәм күреү һәләте ныҡ боҙолған кешеләрҙең мәҙәни-тарихи  белемен киңәйтеү өсөн әҙерләнгән. Яҙыусы Йәүҙәт Ильясовтың һуҡыр уҡыусылар өсөн ижадын презентациялау һәм Брайль шрифы менән баҫтырылған китаптар грант буйынса һуңғы йомғаҡ булып тора. 

Проектты тормошҡа ашырыу барышында Йәүҙәт Ильясовтың Брайль шрифы менән "Ҡара тол ҡатын" китабы 5 данала 4 китапта нәшер ителде. Рәсәйҙә, Үзбәкстанда, Башҡортостанда был һуҡыр уҡыусылар өсөн берҙән-бер уникаль баҫма. Махсус китапхананың тифлокомментаторы "Йәүҙәт Ильясов. Марстан килгән кеше" документаль фильмына тифлокомментарийҙар яһаны. 
Китапханала, уның филиалдарында һәм Башҡортостан Республика тифлоүҙәктәрендә презентацияны телекүпер ысулы менән үткәреү күҙ уңында тотола. Ошо уҡ телекүпер республика уҡыусыларын Үзбәкстан уҡыусыларын һәм яҙыусының ижадын һөйөүселәр менән бәйләйәсәк. Осрашыуҙа яҙыусының балалары - улы Йәнһәр һәм ҡыҙы Илона, шулай уҡ, документаль фильмды тыуҙырыусы Фәтхуллин Алиаскар Зиннәт улы ҡатнашасаҡ. 
«Ҡара тол ҡатын" китабының бер экземпляры Үзбәкстандың һуҡыр уҡыусыларына, тағы бер экземпляры 28-се коррекцион мәктәп-интернат тәрбиәләнеүселәренә бүләк ителәсәк. 
Йәүҙәт Ильясов - Башҡортостанда тыуған, оҙаҡ йылдар Үзбәкстанда йәшәүсе, Урта Азияның боронғо һәм урта быуаттар тарихы темаһын яҡтыртҡан күп әҫәрҙәр авторы. Ижади эшмәкәрлегенең һөҙөмтәһе булып повестар һәм романдар, театр сценарийҙары, шиғырҙар, мәҡәләләр һәм башҡорт, татар, үзбәк, рус телдәрендә тәржемәләр тора. 
Йәүҙәт Ильясовтың ижады һәм тормошо, грант эшенең һөҙөмтәләре тураһында әңгәмә 29 ноябрь 15:00 сәғәттә, Өфө ҡалаһы, Киров урамы, 47 адресы буйынса буласаҡ.

21 ноябрь, махсус китапханала, "Илһам" клубы сиктәрендә "Степан Злобиндың тормошо" тарихи-тыуған яҡты өйрәнеү сәғәте үтте. Сара рус совет яҙыусыһы, шағир, педагог, Сталин премияһы лауреаты Степан Злобиндың тыуыуына 120 йыл тулыуға арналды. 
Степан Злобиндың тормошо һәм ижады Башҡортостан менән тығыҙ бәйле. Тап ул беренселәрҙән булып роман жанрында Салауат Юлаев тураһында китап яҙа. Был роман тәүге һәм иң масштаблы тарихи роман. Башҡорт халыҡ геройының тормошон һәм хәрби юлын тулы итеп тасуирлай. Роман шундуҡ бестселлерға әйләнә һәм күп тапҡыр нәшер ителә. Сит телдәргә тәржемә ителә. Башҡорт телендә ул Рәшит Ниғмәти тәржемәһендә сыға. 
Яҙыусының иң билдәле романдары - "Степан Разин", "Буяндар утрауы", "Салауат Юлаев", "Хәбәрһеҙ юғалғандар" - илебеҙ тарихының ҙур ваҡиғаларына арналған. Степан Павел улы совет әҙәбиәтендә иң төп тарихи прозалар оҫталарының береһе булды. 
Осрашыуҙа ҡатнашыусылар Степан Злобиндың тормошо һәм ижад юлы менән танышты. "Тауыштан уҡыу" режимында "Салауат Юлаев" романынан өҙөк тыңланылар.
Уҡытыусы йылының төп датаһы - Ватан педагогия мәктәбенә нигеҙ һалыусы Константин Ушинскийҙың 200 йыллыҡ юбилейы. Ул 1823 йылдың 3 мартында тыуған. "Туған һүҙ" һәм "Балалар донъяһы" китаптары авторы. Был Рәсәйҙә асыҡ ҡулланыуҙағы балаларға башланғыс белем биреүсе тәүге уҡыу китаптары. Тәбиғәт һәм хайуандар тураһында хикәйәләр һәм әкиәттәр. 
Махсус китапхананың тифлобаҫма бүлегендә Константин Ушинскийҙың тыуыуына 200 йыл тулыуына арналған, "Һуҡыр ат" китабы баҫылды. Китап ҡабарынҡы график иллюстрациялар менән бирелә. 
"Һуҡыр ат" - Константин Ушинскийҙың изгелек һәм яуызлыҡ темаһын яҡтыртыусы хикәйәһе. Балаларҙы рәхмәтле була белергә, изге эштәрҙең ҡәҙерен белергә, изгелеккә изгелек менән яуап ҡайтарырға өйрәтә. 
Техник эшкәртеүҙәрҙән һуң китап фондҡа һәм филиалдарға тапшырыласаҡ.


 


 

14 ноябрь инвалид балалар араһында үткән "Ушинскийҙың әкиәтле дәрестәре" Республика конкурсының еңеүселәрен бүләкләү тантанаһы үтте. 
2006 йылдан алып М. Х. Төхвәтшин исемендәге һуҡырҙар өсөн Башҡортостан республика махсус китапханаһы иң талантлы үҙенсәлекле балаларҙы  лайыҡлы бүләктәрен тапшырыу өсөн йыя. Ошо ваҡыт эсендә конкурста 2 мең тирәһе бала ҡатнашты. 
Мөмкинлектәре сикләнгән балалар араһында үткән ижади эштәр конкурсы йыл һайын айырым берәй датаға, йәки  ваҡиғаға бағышлана. Уҡытыусы йылында үткән быйылғы конкурс рус педагогы, яҙыусы, Рәсәйҙә ғилми педагогикаға нигеҙ һалыусыларҙың береһе Константин Ушинскийҙың тыуыуына 200 йыл тулыуға арналды. 
Конкурсты ойоштороусылар: Башҡортостан республика мәҙәниәт министрлығы, муниципаль китапханалар, инвалид балалар һәм уларҙың ғаиләләре менән эшләүсе ижади берекмәләр һәм йәмғиәт ойошмалары ярҙамында Мәкәрим Хөсәйен улы Төхвәтшин исемендәге һуҡырҙар өсөн Башҡортостан республика махсус китапханаһы. 
Конкурс инвалид балаларҙы һәм уларҙың ғаилә ағзаларын китап уҡырға йәлеп итеү маҡсатынан сығып үткәрелде. 
Жюри составына республика депутат корпусы ағзалары, Башҡортостан Республикаһының Етенсе саҡырылыш Дәүләт Йыйылышы - Ҡоролтай депутаттары: Башҡортостан республика яҙыусылар союзы төбәк йәмәғәт ойошмаһы идараһы рәйесе Айгиз Баймөхәмәтов, "Аҡбуҙат" башҡорт балалар журналының төп мөхәррире һәм шағирә Лариса Абдуллина инде. 
Конкурсҡа 66 ғариза тапшырылды, 25 район һәм 3 ҡаланан 70 бала ҡатнашты. 
Номинацияларҙа иң яҡшы эштәр тип түбәндәгеләр билдәләнде: 
1. "Константин Ушинский әкиәттәренең тылсымлы аҡылы"  (инша, эссе, хикәйә): Антропов Матвей, 18 йәш (Благовещенск); Сафина Виктория, 12 йәш (Тәтешле районы); Фаллер Анастасия, 17 йәш (Шишмә районы); Дегтярев Матвей, 11 йәш (Федоровка районы). 
2."Константин Ушинскийҙың бала-саҡ донъяһы" (мультимедиялы продукт: буктрейлер, видеоролик): Саливанова Ольга, 13 йәш (Бәләбәй районы); Шелыгина Татьяна, 10 йәш (Белорет районы); Мячин Никита, 12 йәш (Хәйбулла районы). 
3."Китап хазиналары" (Конкурс темаһы буйынса ҡулдан яһалған тактиль китаптар): Хәсәнов Ринат, 14 йәш, Ломакина Елизавета, 12 йәш, Абдуллин Радмир, 16 йәш (Өфө); Афанасьева Ангелина, 9 йәш (Шаран районы); Апаев Максим, 12 йәш (Бөрө районы). 
2024 йылда махсус китапхана инвалид балалар араһында А. С. Пушкиндың тыуыуына 225 йыл тулыуға арналған "Мин тағы ла Пушкинды уҡыйым" Республика ижади конкурсын үткәрергә планлаштыра.

Выражаем благодарность за организацию и проведение Штабу общественной поддержки партии «Единая Россия»; Депутату Совета муниципального района Кушнаренковский район Республики Башкортостан Латыпову Тимуру Яновичу (партия "Единая Россия"); сети семейных кафе «Домовенок».

Фото события на Янднкс диске

Трансляция во ВК

 

14 ноябрь мөмкинлектәре сикләнгән балалар араһында үткән Республика конкурсының еңеүселәрен бүләкләү тантанаһы үтәсәк. Конкурс рус педагогы, яҙыусы, Рәсәй педагогикаһына нигеҙ һалыусыларҙың береһе Константин Дмитрий улы Ушинскийҙың тыуыуына 200 тулыуға арналды. 
Конкурс 1 июндән алып 15 нлябрға тиклем 3 номинацияла барҙы: 
1) "Константин Ушинский әкиәттәренең тылсымлы аҡылы": инша, эссе, хикәйә. 
2) " Константин Ушинскийҙың бала-саҡ донъяһы": буктрейлерҙар һәм төрлө форматтарҙағы презентациялар. 
3) "Китап хазиналары": ҡулдан башҡарылған тактиль китаптар. 
Жюри составына республика депутат корпусы ағзалары, Башҡортостан Республикаһының Етенсе саҡырылыш Дәүләт Йыйылышы – Ҡоролтай депутаттары: Башҡортостан республикаһы яҙыусылар Союзы төбәк йәмәғәт ойошмаһы идараһы рәйесе Айгиз Баймөхәмәтов, "Аҡбуҙат" башҡорт балалар журналының төп мөхәррире һәм шағирә Лариса Абдуллина инде. 
Конкурсҡа 66 ғариза тапшырылды, 25 район һәм 3 ҡаланан 70 бала ҡатнашты. 
Бүләкләү тантанаһы Өфө ҡалаһы, Зәки Вәлиди, 1 адресы буйынса 11:00 башлана.

Страницы

Подписка на ҺУҠЫРҘАР ӨСӨН БАШҠОРТОСТАН РЕСПУБЛИКА  МАХСУС КИТАПХАНАҺЫ RSS
You are reporting a typo in the following text:
Simply click the "Send typo report" button to complete the report. You can also include a comment.