Махсус китапхана даими рәүештә үҙенең нәшриәт эшмәкәрлеген киңәйтә бара. Бөтә тормошҡа ашырылған баҫма проекттар белемде үҫтереүгә, милләт теленә, йолаларға, фольклор хазинаға ҡарата ғорурлыҡ тойғоһон һәм ҡыҙыҡһыныу формалаштырырға йүнәлтелгән.

Китаптар заманса тифлоҡорамалдарҙа баҫтырыла, китапхана республика маҡсатлы программалар, һуҡыр ҡулланыусылар һәм муниципаль китапханалар һорауы буйынса эшләй, баҫмалар күбеһенсә тыуған яҡты өйрәнеү һәм башҡорт әҙәбиәтен яҡтырта. "Китап" нәшриәте менән күп йылдар хеҙмәттәшлек итеү башҡорт һәм рус телдәрендә тыуған яҡты өйрәнеү буйынса ҡабарынҡы нөктәле Брайль шрифлы китаптар фондын формалаштырырға булышлыҡ итте. Мостай Кәрим, Наил Ғәйетбаев, Аҡмулла, Салауат Юлаев кеүек билдәле башҡорт яҙыусыларының әҫәрҙәре Брайль шрифында баҫтырылды. 
Тик һуҡыр уҡыусылар өсөн китапхана фондында, Башҡортостанда тыуып оҙаҡ йылдар Үзбәкстанда йәшәгән, боронғо һәм урта быуат Урта Азия тарихы тураһында әҫәрҙәр авторы Йәүҙәт Ильясовтың ғына китабы юҡ ине. Уның ижади эшмәкәрлегенең һөҙөмтәһе - туғыҙ повесть һәм романдар, йөҙләгән шиғырҙар, мәҡәләләр һәм тәржемәләр. Башҡортостан һәм Үзбәкстан араһында төрлө йүнәлештә тығыҙ хеҙмәттәшлек бара. Шул иҫәптән, мәҙәниәт өлкәһендә лә. Йәүҙәт Ильясов Башҡорт АССР Бәләбәй кантоны, хәҙерге Йәрмәкәй районында тыуған. Аҙаҡ ғаилә Үзбәкстанға күсеп килә. Уның китаптары бер ҡасан да кәштәлә буш ятмай. Улар китап уҡыусының йөрәгенә дөрөҫ юл таба белә. 
Махсус китапхана ла брайль шрифында Йәүҙәт Ильясовтың "Ҡара тол ҡатын" китабын баҫтырҙы. Рәсәйҙә, Башҡортостанда һәм Үзбәкстанда был берҙән-бер уникаль баҫма буласаҡ. Техник эшкәртеүҙәрҙән һуң китаптар махсус китапхана фондына тапшырыласаҡ.

Нет аудиозаголовка!!!
5 июль Родина кинотеатрында "Тыныслыҡ" дуҫтарын йыя" ижади сараһы үтәсәк. Адресы: Ленин урамы, 42 (Ҡыҙыл зал). Башланыу ваҡыты: 17:30. Инеү бушлай. 
Һеҙҙе ойошманыҡылар менән осрашыу көтөп ҡала. Шулай уҡ, яҡшы йырҙар һәм иң яҡшы мәлдәрҙе иҫләү буласаҡ. 
Ижади кисә аҙағында Светлана Комкованың "Рәсәй параспорты" документаль фильмының презентацияһы үтәсәк. Фильм тура тифлокомментарий менән оҙатылып барасаҡ. 
Осрашыуҙа күрешеүгә шат булып, көтөп ҡалабыҙ.
[12:09, 13.07.2023] Гульназ Редактор-переводчик: 30.06.2023 
"Петр һәм Феврония ҡанаты аҫтында" рухи сәғәте 
Ғаилә - һис шикһеҙ, заманса йәмғиәттең төп өлөшөнөң береһе. Борон да, бөгөнгө көндә лә Рәсәй халҡы өсөн ғаилә беренсе урында. Тик, билдәле булыуынса, мөхәббәтһеҙ ныҡлы ғаилә ҡороп булмай, ә һаҡлап ҡалыуы тағы ла ҡыйыныраҡ. Сөнки ғаиләлә тоғролоҡ һәм бер-береңә ышаныу хөкөм һөрөргә тейеш. 
Бөтә Рәсәй ғаилә, мөхәббәт  һәм тоғролоҡ көнөндә махсус китапханала "Петр һәм Феврония ҡанаты аҫтында" рухи сәғәте үтәсәк. Китапханасылар байрамдың килеп сығыу тарихы һәм христиан туйының һаҡсылары тураһында һөйләйәсәк. Рус шағир һәм композиторҙарының әҫәрҙәре яңғыраясаҡ. Ҡунаҡтар ғаилә йолалары һәм ҡиммәттәре тураһында беләсәк. Шулай уҡ, китапхана фондында һаҡланған ғаилә тематикаһына бәйле китаптар менән таныштырыу буласаҡ.
Нет аудиозаголовка!!!
Хөрмәтле уҡыусылар! 
27.06.2023 китапхана эшләмәй. 
28.06.2023 - "Ҡорбан-байрам" айҡанлы шулай уҡ ял көнө.
 
 
Эрих Мария Ремарк - Рәсәйҙә яратып уҡылған немец яҙыусыһы. Совет быуынында ғына түгел, йәштәр ҙә уны ихлас ҡабул итә. "Көнбайыш фронтта үҙгәрешһеҙ" романы ХХ быуаттың иң популяр антихәрби романы һанала. Ә бит үҙ ваҡытында был әҫәрҙе бөтөнләй баҫтырырға теләмәйҙәр. Һәм ошоноң менән ҙур хата эшләйҙәр. 1930 йылда Голливуд фильм төшөрә һәм ике "Оскар"ға лайыҡ була. 
Ремарк 1898 йылдың 22 июнендә Оснабрюк ҡалаһында донъяға килә. Мәктәптән һуң демобилизациялана һәм 1917 йылдың июнендә фронтҡа эләгә. Снаряд ярсығы ҡулына, аяғына һәм муйынына тейеп, ҡаты яралана. Һуғыштан һуң яҙыша башлай, әммә тәүге әҫәрҙәре уңышҡа өлгәшмәй. Шул уҡ ваҡытта ул мәктәп уҡытыусыһы булып эшләй, реклама текстарын яҙа, гәзиттә спорт репортеры була. Әммә "Көнбайыш фронтта үҙгәрешһеҙ" романы өсөн эштән ҡыуыла. 
Роман уға материаль байлыҡ һәм популярлыҡ алып килә, әммә немец нацистары уны бөртөкләп йыйып утҡа яға. 
Э. М. Ремарк йәшәгән мәлендә үк күп кенә наградаларға өлгәшә: I дәрәжә Тимер тәре (ул унан баш тарта), ике тапҡыр Нобелев премияһы лауреаты номинанты, Мезер миҙалы, Ҙур тәре. 1999 йылда уның исеме астероидҡа бирелә. 
Махсус китапхана абонементы уҡыусылары иғтибарына Эрих Мария Ремарктың виртуаль күргәҙмәһен тәҡдим итә. Күргәҙмә менән Виртуаль күргәҙмәләр бүлегендә танышырға мөмкин.

С выставкой можно ознакомиться в разделе Виртуальные выставки.

 

Терроризм
Латин теленән тәржемә иткәндә terror– ул ҡурҡыу, ҡот осҡос тигәнде аңлата. Терроризмдың төп маҡсаты –үҙҙәренең ҡорбандарында ғына түгел, башҡаларҙа ла ҡурҡыу тойғоһо уятыу.
Урамдарҙа терроризм ҡурҡынысы янау
Әгәр ҙә урамда атыш башланһа, нимә эшләргә?
·        Мөмкин тиклем эйелеп, сүгеп яҡындағы подъезға, өй мөйөшөнә, йәки башҡа ышыҡ урынға тиҙәрек барып етергә тырышығыҙ;
·        барғанда тура йөрөмәгеҙ, эйелеп бормалы-бормалы итеп йүгерегеҙ;
әгәр яҡында ышыҡ урын булмаһа, ергә ятығыҙ;
·        ҡул телефоны аша полицияға атыш хаҡында хәбәр итегеҙ.
Урамда шартлау булһа
Шартлау янаһа:
Ҡурҡыныс урындан тиҙ генә китергә тырышығыҙ (вокзал, аэропорт, мәҙәни-күңел асыу урындары, урам аша ер аҫты сығыу урындары, транспорт һ.б.)
Быяла витриналар, электр селтәре бағаналары янында торорға ярамай;
тиҙ генә яҡындағы ышыҡ урынға йәшенегеҙ (өй подъезы, таш кәртәләү,йәки өй артына), ергә ятығыҙ, битегеҙҙе һәм башығыҙҙы ҡулығыҙ менән ҡаплағыҙ;
әгәр ҙә йорт эсендә булһағыҙ, тәҙрә, телевизор, көҙгө, ишек яңағы  эргәһендә тормағыҙ.
Шартлау ҡапыл яңғыраһа:
ергә, иҙәнгә ятып башығыҙҙы ҡулығыҙ менән ҡаплағыҙ;
аяғөҫтө баҫырға ашыҡмағыҙ, сөнки беренсе шартлау артынан тағы ла икенсеһе булыуы ихтимал.
Аңғартыу сигналы буйынса халыҡтың хәрәкәт итеү
Иҫкәртмәһе
 
Халыҡҡа ғәҙәттән тыш хәл хаҡында аңғартыу “Иғтибар, барығыҙға ла”тигән өс минут дауамында бер туҡтауһыҙ яңғыраған сирена сигналынан башлана.
Сигнал һеҙ өйҙә  саҡта яңғыраһа:
 
Сиренаның олоған тауышын ишетһәгеҙ, телевизорығыҙҙы тоҡандырығыҙ (“Первый”-”Беренсе”, “Россия”-“Рәсәй”),“Маяҡ”, “Башҡортостан” радиоканалдарын, йәки фатирығыҙҙың радионөктәһен тоҡандырығыҙ һәм ҡурҡыныс янау хаҡында  һәм хәрәкәт итеү тәртибе тураһында аңғартыу тыңлағыҙ. Хәбәр 3-5 тапҡыр биш минутҡа тиклем ҡабатлана. Ашығыс хәл итеүҙе талап иткән мәғлүмәтте тыңлағас, тәҡдим ителгән сараларҙың барыһын да  теүәл үтәгеҙ.
 Ҡурҡыныс янауҙың йәки ғәҙәттән тыш хәлдең юҡ ителеүе хаҡында хәбәр килмәйенсә техник сараларҙы һүндермәй тороғоҙ.
Әгәр сигнал һеҙ урамда саҡта яңғыраһа:
Урамдағы халыҡ күпләп йыйылған урындарға ҡуйылған, атап әйткәндә:Ленин майҙанында, Совет майҙанында, Төнъяҡ һәм Көнъяҡ автовокзалдарында, тимер юл вокзалында һәм аэропортта радиоалғыстарҙан ишетелгән Сигнал тауышынан һуң ғәҙәттән тыш хәл хаҡында мәғлүмәтте тыңларға кәрәк.
Мәғлүмәтте тыңлағас, тәҡдим буйынса  эш итегеҙ.
Унан башҡа:
ғәҙәттән тыш хәл һәм ҡурҡыныс янау  хаҡында аңғартыу һәм тәҡдимдәр халыҡ күпләп йыйыла торған 13 урам терминалдарына(экрандарына) ла сығарыла, атап әйткәндә: “Үҙәк баҙар”һатыу үҙәге, Цюрупа урамы, 97 ;
“Өфө-Арена” Боҙ һарайы, Ленин урамы,114;
Ленин майҙаны;
Көнъяҡ автовокзал, Р. Зорге урамы, 13;
Төнъяҡ автовокзал, Кемеров урамы,82;
“Башҡортостан” һатыу үҙәге, Менделеев урамы, 205 А;
БДУ, Ә. З. Вәлиди урамы, 32;
Өфө дәүләт авиация-техник университеты, К. Маркс урамы, 12;
“Меркурий” һатыу үҙәге, Кольцевая урамы, 65;
Башҡортостан дәүләт медицина университеты, Пушкин урамы, 96;
 Мифтахетдин Аҡмулла исемендәге Башҡорт дәүләт педагогия университеты, Октябрь революцияһы урамы, 3А;
“Өфө” аэропорты.
Шулай уҡ халыҡҡа кеҫә телефондары аша МТС, МЕГАФОН, БИЛАЙН һәм СОТЕЛ операторҙары тарафынан  да аңғартыу ебәреләсәк.
Үҙәк хәбәр итеү үҙәге  иғлан барып етмәгән тарафтарға Өфө ҡалаһының яҡтыртыу сигналдары һәм яңғырауыҡлы радиолар менән йыһазландырылған МБУ 8 автомобиле
“Ҡотҡарыу хеҙмәте112” һәм полиция хеҙмәтенең 15 автомобилдәре аша мәғлүмәтте еткерәсәк.
Шулай уҡ ваҡытлы баҫмалар, электрон почталар, Интернет, шул иҫәптән Өфө ҡалаһы“ Ҡотҡарыу хеҙмәте 112” -нең официаль сайты WWW.UFA112.ru аша ла халыҡҡа аңғартыу ебәреләсәк.
 
1941 йылдың 22 июне - илебеҙ тарихында иң ауыр даталарҙың береһе. Был көндө Бөйөк Ватан һуғышы башлана. 
22 июнь махсус китапханала "Тарихыбыҙҙың ҡайғы көнө"  хәтер сәғәте үтте. Китапханасылар Бөйөк Ватан һуғышының тәүге сәғәттәре, совет халҡының батырлығы, ирлеге һәм ныҡлығы тураһында һөйләне. Махсус күҙәтмәлә  уҡыусыларға һуғыш темаһына арналған китаптар тәҡдим ителде. 
"Тауыштан уҡыу" режимында һуғыш балаларының һәм тыл ветерандарының иҫтәлектәре яңғыраны. Аҙаҡ ҡунаҡтар араһында ҡыҙыу әңгәмә барҙы.

19-21 октябрь "Торатау" Конгресс-холында "Кәртәләрҙе емереп" II Бөтә Рәсәй форум-күргәҙмәһе  үтәсәк. 
Форум - инвалидтарҙы реабилитациялау һәм адаптивлаштырыу һорауҙарын ҡарау өсөн уңайлы майҙан. 
Эш программаһына дискуссиялар, конференциялар, воркшоптар, белем биреү семинарҙары, иң яҡшы реабилитациялау буйынса практикалар презентацияһы, методик материалдар, мастер-кластар үткәреү инә. Форумда ҡатнашырға федераль һәм төбәк башҡарма власть органдары, эксперттар, белгестәр һәм инвалидтар ойошмалары, эшҡыуарлыҡ вәкилдәре саҡырыла. 
Күргәҙмәлә мөмкинлектәре сикләнгәндәрҙең йәшәү торошон яҡшыртыу өсөн инновацион эштәр тәҡдим итеүсе компаниялар ҡатнашасаҡ.

 

Оргкомитет: