Нет аудиозаголовка!!!
Башҡортостан Республикаһының Һуҡырҙар өсөн махсус китапханаһында “Мөмкинселектәре сикләнгән һайлаусылар өсөн Хәтернамә (Памятка)” нәшер ителде. Баҫма ҡабарынҡы нөктәле шрифт менән (Брайль системаһында) Үҙәк һайлау комиссияһының ҡушыуы буйынса башҡорт һәм рус телдәрендә 100 дана тираж менән сыҡты.
Хәтернамәлә һайлаусыларға тауыш биреү участкаларында һайлау тәртибе хаҡында аңлатма бирелгән. Был баҫма һәр кемдең гражданлыҡ хоҡуҡтарын тормошҡа ашырыуға ярҙам итеүсе Башҡортостан Республикаһының Конституцияһы тарафынан раҫланған (19-сы статья) сара булып тора:”Һәр кешенең һәм гражданиндың хоҡуғы һәм ирке уның милләтенә, енесенә, затына, теленә, уның мөлкәтенә, ниндәй йәмәғәт ойошмаһына инеүенә, йәшәгән урынына ҡарамай– барыһыныҡы ла бер тигеҙ. Мөмкинселектәре сикләнгәндәрҙең дә хоҡуғы бер тигеҙ.”
Республикабыҙ граждандарының һайлау хоҡуғы юғарыла әйтеп үтелгән документтың 33 статьяһына яраҡлы рәүештә нығытылған.
 
Нет аудиозаголовка!!!
Башҡортостан Республикаһының Һуҡырҙар өсөн махсус китапханаһында  “Бер уҡыусы бенефисы” теҙмәһе дауам итә. 28 августа китапхана уҡыусыларында ҡунаҡта үҙэшмәкәр шағирә, Архангель районының Баҡалды ауылы ҡыҙы Фатима Мәзитова булды. Ул тирә- яҡҡа рәссам, шағирә, йырсы һәм алтын ҡуллы булараҡ танылған шәхес. Уның шиғырҙары үҙенең ябайлығы, кеше яҙмышына ҡағылышлы булыуы менән һәр кемдең күңелен арбай. Ул тәбиғәткә яҡынлығын үҫемлектәр тамырынан, таштарға төшөрөлгән һүрәттәр, кипкән үлән һәм сәскәләрҙән  эшләнгән икебаналар менән раҫлай.
Фатима Шәйхетдин ҡыҙы ҡунаҡтарға үҙенең шиғырҙарын уҡыны, ағас һәм таштар ҡулланып эшләнгән әйберҙәрен күрһәтте, үҙенең һүҙҙәренә ижад ителгән бер нисә йырын башҡарҙы.
 
Нет аудиозаголовка!!!
2015 йылдың 28 авгусында Республикабыҙҙың Һуҡырҙар өсөн махсус китапханаһы бер юлы ишетмәгән дә күрмәгән дә уҡыусылары өсөн Хәрби Дан музейына күсмә экскурсия ойошторҙо. Уҡыусылар музейҙың төп һөм махсус ҡулайлаштырылған экспозициялары менән таныштылар. Даими эшләп килгән “Башҡортостан Икенсе Бөтәдонъя һуғышында”экспозицияһы: “Башҡорт йорто”,”Һуғышҡа оҙатыу”, ”Үҫмерҙәр станок артында” диорамалары, айырым урын шулай уҡ интернационалист-яугирҙәрҙең батырлығына арналған экспозициялар– барыһы ла Брайль системаһы буйынса этикетаж менән ҡулайлаштырылып эшләнгән.
Музейҙың икенсе ҡаты тулыһынса “1941-1945 йылдарҙа Хәрби хәрәкәт”темаһына арнала һәм һуғыш мәлендә хәл иткес алыштарға бағышланған. “Сталинградты обороналау”, “Курск хәл иткес һуғышы”, “Төнъяҡ-көнбайыш йүнәлеше”, “Мәскәү күге һағында”, “Берлинға!” диорамалары– былар барыһы ла беҙҙең яҡташтарыбыҙҙың батырлыҡтары хаҡында һөйләй.
“Берлинға!”диорамаһы Мишкә районы Янагош ауылында тыуған яҡташыбыҙ Ғәзи Заһитовтың батырлыҡтары хаҡында һөйләй. Ул РККА-ға 1940 йылда алына һәм Берлинғаса барып етә.1945 йылдың апрель айында рейхстагты алып Ҡыҙыл байраҡты элер өсөн үҙҙәре теләгән штурмовиктар араһында Заһитов та була. Улар сарлаҡтың тәҙрәһе аша Еңеү Аллаһы скульптураһына байраҡты беркетәләр. 1997 йылда Г.К. Заһитовтың туғандарына Советтар Союзы Геройының алтын йондоҙо тапшырыла.
Экскурсанттар ары насар күреүселәр, һуҡырҙар, бер юлы ишетмәгән дә күрмәгәндәр өсөн махсус “Тарихҡа ҡағылып ал” исемле тактиль (тотоп ҡарамалы) күргәҙмә менән дә таныштылар. Музей хеҙмәткәрҙәре тотоп ҡарар өсөн хаттар, ордендар, миҙалдар, һуғыш мәлендә ҡулланылған көнкүреш әйберҙәрен дә әҙерләгәйнеләр.Һуғыш ҡоралдарынан тактиль күргәҙмәлә 1941-1945 йылдарҙағы пистолет-пулемет Шпагина (ППШ) ла бар ине.
Күпселек уҡыусылар экскурсия ваҡытында үҙ ғаилә ағзаларының ярҙамы менән файҙаландылар. Мәғлүмәт тейешлесә уҡыусыларға барып етһен өсөн дактиль әлифбаһы белгесе һәм сурдотәржемәсе лә ярҙамға килде. Башҡортостан Республикаһының Һуҡырҙар өсөн махсус китапханаһының бер юлы ишетмәгән дә, күреү һәләте лә булмаған уҡыусылары “Со-единение” фондына һәм китапханаға улар өсөн яраҡлаштырылған экскурсия өсөн рәхмәттәрен белдерҙеләр.
 
Нет аудиозаголовка!!!
Башҡортостан Республикаһының Һуҡырҙар өсөн махсус китапханаһының алдында бер юлы ишетмәгән дә, күрмәгән дә ҡулланыусыларҙың  ялын ойоштороу һәм уларҙы уҡыуға, китапҡа ылыҡтырыу бурысы ла тора. Ошо оло маҡсат менән Башҡортостан Республикаһының Һуҡырҙар өсөн махсус китапханаһында Леонид Соколовтың “Автограф” исемле китабы  ҡабарынҡы шрифтлы Брайль системаһы менән нәшер ителде.
Китап “Һуҡыр-күрмәүселәргә ярҙам итеү Хәйриә фонды Берләшмәһе” ның финанс яҡтан ярҙамы менән сыҡты. 
Леонид Соколовтың “Автограф” исемле йыйынтығы сатира һәм юмор аша кешеләрҙе етешһеҙлектәренән ҡотолорға ярҙам итә, күңелле шаян һүҙҙәр менән уҡыусыларҙың күңелен күтәрә. Бында төрлө жанрҙар урын тапҡан: көлкөлө хикәйәләр ҙә, кесе күләмле мәҫәлдәр ҙә, ике юллыҡтар ҙа, “тәртипһеҙ һүҙлек”тәр ҙә… Ни өсөн автор нәҡ  шаян,  көлөкөлө  әҫәрҙәр яҙа һуң? Быны Леонид Соколов шулай ти: “Минең аңлауымса, шаяртыу – ул изгелек, күңел киңлелегенә бәйле. Юмор, шаян һүҙҙәр менән көн күрәбеҙ, Габрлылар юҡҡа ғына: “Донъя көлә белгәнгә  генә  күрә һаҡланып ҡалған”,– тип әйтмәйҙәрҙер бит. Һәр тыуған көнгә шатлана белеү һәләте һуҡыр-күрмәүселәрҙе аяҡҡа баҫтырыу  өсөн ифрат та кәрәк. Донъя яҡтыһынан һәм тауыш ишетеүҙән мәхрүмдәрҙең үҙ-үҙҙәренә ышаныстары артһын, рухтарын күтәрелһен өсөн Һуҡырҙар өсөн махсус китапхана барыһын да эшләй  һәм эшләйәсәк. Был китапты нәшерләүҙең сәбәбе тағы ла шунда, уны башынан аҙағына тиклем уҡыу ҙа кәрәкмәй, улай уҡыу мөмкинселектәре сикләнгәндәргә ауыр ҙа булыуы мөмкин. Бында үҙеңә оҡшаған ҡыҙыҡлы әйберҙәрҙе генә һайлап уҡып та күңелде күтәрергә лә мөмкин. Һуҡыр-күрмәүсе был китаптан юморескаларҙы уҡып йылмая икән– был беҙҙең китапханасылар өсөн иң ҙур баһа буласаҡ.
Нәшерләнгән китаптар  китапхананың (БСРБС) фондына тапшырылды һәм китапхананың  филиалдарына, һуҡыр-күрмәүселәр йәшәгән төбәктәргә ебәреләсәктәр. Тираждың бер өлөшө яҡташтарыбыҙ йәшәгән күрше өлкәләргә лә юлланасаҡ.
 
Нет аудиозаголовка!!!
 
21 августа Башҡортостан республикаһының Һуҡырҙар өсөн махсус китапханаһында  Өфө рәссамдарының күргәҙмәһенең презентацияһы  үтте.
Экспозицияларҙың береһе йәш рәссам, дизайнер, фотоһүрәттәр эшләүсе Дмитрий Павловтың картиналарын үҙ эсенә ала һәм “Алыҫ донъялар-3. Алыҫ арауыҡ аша” тип атала һәм Йыһан темаһына хыялланыуҙарға ҡоролған.
Дима  хәрби  ғаиләлә Красноярск өлкәһендә  Чуна йылғаһы эргәһендәге Чунояр ҡасабаһында тыуа. Өс йәшенән үк һүрәт төшөрөү менән ҡыҙыҡһына башлай. Үҫә төшкәс Өфө сәнғәт училищеһында белем  ала һәм ВЭГУ академияһын т амамлай.
2001 - 2014 йылдар  арауығында йәш рәссам Кемерово, Мәскәү һәм Өфө ҡалаларында ойошторолған 35 күргәҙмәлә ҡатнаша. Мәскәү ҡалаһында уҙғарылған күргәҙмәләрҙең береһендә “За выдающиеся достижения” миҙалы менән бүләкләнә.
Китапханала күргәҙмәгә  21 картинаһы  ҡуйылған. Улар барыһы ла тамашасыларҙы  киләсәккә,  мөғжизәле һәм серле Йыһанға күҙ һалырға саҡыра.
Тағы ла бер экспозиция бер юлы ике рәссамдың:  Юлия Куклинаның һәм Александр Ванзиндың (псевдонимы Аластер Маквизард) “Йәйге хыялдары” н  күрһәтә. Ҡағыҙға, киндер туҡымаға, ҡатырғаға эшләнгән илленән ашыу  картина  ауаздаш  ике рәссамдың  серле ижади донъяһын аса. Бында портреттар ҙа, натюрморттар ҙа, тәбиғәт күренештәре лә, билдәле рәссамдарҙың картиналарының күсермәһе лә бар.
Төҫтәрҙең  сағыулығы, композицияларҙың төрлөлөгө, образдарға байлылығы тамашасыларҙы ошо күргәҙмәгә әленән-әле килеп ҡарарға әйҙәп тора. Был  рәссамдарҙыың  да шулай уҡ Рәсәй һәм сит ил күргәҙмәләрендә ҡатнашҡандары бар. Экспозицияларға насар күреүселәр өсөн Брайль шрифты менән дә аңлатмалар бирелгән.
 
Нет аудиозаголовка!!!
13 августа Республикабыҙҙың һуҡырҙар өсөн махсус китапханаһында  “Саф күңелдән” клубының сираттағы осрашыуы булды.
Буш ваҡытты ойоштороу бүлеге мөдире Гөлшат Солтанморатова гәзит һәм журнал биттәрендә баҫылған “Сирһеҙ тормош” тигән уртаҡ темаға бағышланған мәҡәләләрҙе ҡысҡырып уҡыны..
Был сарала ҡатнашҡан китапхана уҡыусылары, клуб ағзалары беҙҙең үҙ ерлегебеҙҙә– аҡландарҙа, урмандарҙа, баҡсаларыбыҙҙа үҫкән үләндәрҙе файҙаланып, һаулыҡты һаҡлау мөмкинселектәре хаҡында ҙур ҡыҙыҡһыныу менән тыңланылар.
Төрлө шифалы үләндәрҙән әҙерләнгән сәй өҫтәле артында һәр кем үҙенең тормош тәжрибәһенән сығып, ҡулланған үләндәр рецепты менән уртаҡлашты, һаулыҡты һаҡлау өсөн дөрөҫ туҡланыу хаҡында ла үҙ фекерҙәрен әйттеләр.
 
 
Нет аудиозаголовка!!!
Башҡортостан Республикаһының Һуҡырҙар өсөн махсус китапханаһының тауыш яҙҙырыу студияһында башҡорт әҙәбиәте классигы Мәжит Ғафуриҙың “Мин һинең улың, Урал!”исемле дискы яҙылды. “М. Ғафури–XXI быуат” Мәҙәни йәмәғәтселеге фонды ярҙамы менән М. Ғафуриҙың дүрт шиғри йыйынтығы сығарылды.
Башҡорт һәм рус телдәрендә яҙылған аудио китаптар яҙыусының тыуыуының 135- йыллығына арналған. Йыйынтыҡҡа Тыуған ил, халыҡ, мөхәббәт һәм шағирҙың үҙ яҙмышына арналған шиғырҙар тупланған.
Тағы ла, китапханала М. Ғафуриҙың ейәне Хәлит Әнүәр улы Ғафури хаҡында ла тулы мәғлүмәт тауышландырылып бирелгән. Хәлит Әнүәр улы 1948 йылда Өфө ҡалаһында тыуа. Күҙҙәре насар күреүгә ҡарамаҫтан, ул Өфө ҡалаһының 39-сы гимназияһын тамамлай, унан һуң Кисловодск ҡалаһында профессиональ массажистар  белемен ала.
Хәлиттең төрлө яҡлы һәләттәренең береһе– ул шиғриәт, ижад итеү. Ул шиғырҙар,  хыял менән ысынбарлыҡҡа  нигеҙләнгән уймаҡ хикәйәләр  ҙә яҙа. Республиканың ваҡытлы матбуғат биттәрендә, “Аманат” журналында хикәйәләре баҫылып сыҡты. Ул балалар өсөн “Йыбандырмай торған бесәй” тигән китабын нәшер итте.
Тиҙҙән, техник яҡтан эшкәртелгәндән һуң, М. Ғафуриҙың башҡорт һәм рус телдәрендә тауышландырылған әҫәрҙәре Башҡортостан Республикаһының Һуҡырҙар өсөн махсус китапханаһының һәм уның филиалдарының  фондына һалынасаҡ.
 
Нет аудиозаголовка!!!
Йырҙар ижад итеүсе Совет  шағиры  Михаил Матусовский 1915 йылдың 23 июлендә Луганск ҡалаһында фотограф ғаиләһендә яҡты донъяға килә. Беҙ Михаил Матусовскийҙы бөтә донъяға таралған йырҙарҙың авторы булараҡ беләбеҙ. “На безымянной высоте”, “С чего начинается Родина?”, “Подмосковные вечера” йырҙары һәр беребеҙгә таныш һәм яратып башҡарыла торған йырҙар. М. Матусовский һуғыш ветераны.
1977 йылда Матусовскийға йырҙар ижад ителгән “Березовый сок”, “Песня о гудке”, “Шахтерская песня” һ.б шиғырҙары өсөн  уға СССР-ҙың дәүләт премияһы тапшырыла.
Матусовский “Рабиндранат Тагор” исемле документаль фильмдың да авторы.
29 июлдә Башҡортостан Республикаһының Һуҡырҙар өсөн махсус китапханаһы хеҙмәткәрҙәре  шағирҙың 100 йыллығына арнап Өфө ҡарттар һәм инвалидтар йортонда музыкаль сара уҙғарҙылар.
 Махсус китапхананың китапханасыһы  Гөлшат Солтанморатова бик ҡыҙыҡлы итеп шағирҙың тормош юлында булған фәһемле ваҡиғалар хаҡында һөйләп кенә ҡалманы, йыр яҙмаларын да тыңлатты. Залда ултырған тамашасылар  ҡушылып үҙҙәре лә йырланы.
 
 
Нет аудиозаголовка!!!
Ике йыл элгәре Салауат Низаметдиновтың йөрәге тибеүҙән туҡтаны. Күп балалы шахтерҙар ғаиләһендә  үҫкән тыумыштан һуҡыр  ауыл малайы күренекле башҡорт композиторы, Рәсәй Федерацияһының  атҡаҙанған сәнғәт эшмәкәре, Республикабыҙҙың йәштәр өсөн Ғ. Сәләм, халыҡ-ара “Филантроп” һәм Дмитрий Шостакович исемендәге премиялар лауреаты булды.
Үҙенең барлыҡ ғүмерен С. Низаметдинов музыкаға бағышланы. Уның ижад даирәһе ифрат та киң булды: ул опералар ҙа, симфониялар ҙа, романстар ҙа, эстрада йырҙарын да ижад итте, спектакльдәргә, документаль һәм нәфис фильмдәргә  көй ҙә яҙҙы.
1968 йылдан алып ул беҙҙең Республикабыҙҙың Һуҡырҙар өсөн махсус китапханаһының даими уҡыусыһы булды. Үҙенең тормош юлының һәр мәлендә лә ул донъя хәлдәре менән  ҡыҙыҡһынып торҙо,  һөнәри кимәлен  камиллаштырыуға ынтылды, ижад ҡомары һәр саҡ юғары кимәлдә ине.
Дан яулағас та ул китапханаға һәм үҙенең дуҫтарына бер ваҡытта ла хыянат итмәне, ихлас күңелдән осрашыуҙарға йөрөнө, китап уҡыусылар менән аралашты, кисәләрҙе үҙе алып барҙы. Ошо онотолмаҫ осрашыуҙарҙа музыка уйын ҡоралдарында ихлас уйнаны, йырҙар башҡарҙы, яратҡан авторҙарының шиғырҙарын һөйләне. Китапхананың пианиноһы әле лә уның ҡулдарының йылыһын һаҡлай һымаҡ.
Уҡыусылар уны яраттылар, ғашиҡ булдылар, сөнки ул шул тиклем ихлас, ябай, һәр кем менән ысын күңелдән аралаша ла белә   һәм шул уҡ ваҡытта бик талантлы ла ине. С. Низаметдинов барлыҡ һуҡырҙар һәм насар күреүселәргә, бигерәк тә үҙе ҡасандыр уҡыған 28-се махсус интернат-мәктәп уҡыусылары өсөн тормош өлгөһө булды. Тома һуҡырҙарға һәм ошо интернат-мәктәп уҡыусыларына тәғәйенләп рельефлы нөктә шрифтлы (Л.Брайль системаһы буйынса) композитор әле үҙе иҫән саҡта уҡ уның “Тәүбә” исемле китабы нәшер ителгәйне. Тауыш яҙҙырыу студияһында уның башҡорт телендәге йырҙары һәм музыкаль  әҫәрҙәре ҡабаттан яҙҙырылып  электрон форматта сығарылды.
Салауат Низаметдинов хаҡындағы яҡты хәтирәләр беҙҙең уҡыусыларыбыҙ йөрәгендә мәңге һаҡлана һәм улар һәр саҡ ҙур ғорурлыҡ менән уны иҫкә алалар, уға оҡшарға тырышалар, уның миҫалында ауырлыҡтарға ҡаршы торорлоҡ көс табалар.
 
Виртуальная книжная выставка «Памяти Салавата Низаметдинова» на русском и башкирском языках.
 

Страницы

Подписка на ҺУҠЫРҘАР ӨСӨН БАШҠОРТОСТАН РЕСПУБЛИКА  МАХСУС КИТАПХАНАҺЫ RSS
You are reporting a typo in the following text:
Simply click the "Send typo report" button to complete the report. You can also include a comment.