Рәсәй көнө

12 июнь беҙҙең илдә Рәсәй көнө билдәләнә. Был иң "йәш“ дәүләт байрамдарының береһе. 1990 йылдың 12 июнендә РСФСР-ҙың халыҡ депутаттары съезы Рәсәй дәүләт суверенитеты тураһында Декларация ҡабул итте. Ошо көндән алып илебеҙ Рәсәй Федерацияһы тип атала башланы.
Был иреклек, бар халыҡтың килешеү байрамы. Бөгөн ил буйлап төрлө саралар үтә.
Китапханала "Ғорурланам һинең менән, Рәсәйем!" виртуаль байрам программаһы ойошторолдо. Онлайн форматта һәүәҫкәр йырсылар ҡыҫҡа концерт ҡуйҙылар, китапханасылар шиғырҙар уҡыны, викторина үткәрҙеләр. Сараның видеояҙмаһы социаль селтәрҙәргә һалынған.