Мостай Кәрим фонды бушлай китап тапшырҙы

Мостай Кәрим исемендәге фонд махсус китапханаға бушлай М.Кәримдең “Ялалетдин атай” китабын тапшырҙы. Китап яҙыусының дуҫы, Өфө ҡалаһының почетлы гражданины, легендар ҡала башлығы Михаил Зайцевҡа бағышлана. Әҫәр балалар йортонда тәрбиәләнеп үҫкән, тәрбиәсе-атай Ялалетдин тормош дәрестәрен ғүмерлеккә йөрәгенә һеңдергән Михаил Ҡуянов исеменән һөйләнелә. Китап рус теленә яҙыусының улы Илгиз Кәримов тарафынан тәржемә ителгән. Техник эштәрҙән һуң китап махсус китапхана фондына һәм филиалдарға тапшырыласаҡ.