Китапхана терапияһы буйынса тренинг

Махсус китапханала балалар һәм уларҙың ата-әсәләре өсөн китапхана терапияһы үтте. 
Китапхана терапияһы - китап менән дауалау тигәнде аңлата. 
Китапхана терапияһы нигеҙендә, махсус китапхана психологы Резеда Фролова хис, вербаль, ата-әсәләр һәм балаларҙың эмпатиялы аралашыу ысулдарын күрһәтте. Китапхана терапияһы методтары кеше кәйефен яҡшыртыуға, рухи үҫешенә йүнәлтелгән. Уҡылған китаптар, параллель рәүештә, әҙәби геройҙарҙың тормош ваҡиғаларын йәшәргә ярҙам итә.
Төрлө күңел торошо өсөн билдәле бер әҫәрҙәр исемлеге бар. Улар ата-әсәләр менән балалар араһында мөнәсәбәттәрҙе яҡшыртыу, үҫмерҙәр неврозы һәм фобиялары, депрессиянан сығыу һәм башҡалар өсөн тәғәйенләнгән.