Издан учебник башкирского языка для незрячих

Мәкәрим Төхвәтшин исемендәге Һуҡырҙар өсөн республика махсус китапханаһының тифлонәшриәт бүлегендә VI класс өсөн башҡорт теле дәреслеге донъя күрҙе. Ул һуҡырҙар өсөн Брайль шрифты менән нәшер ителгән.
Дәреслекте төҙөүселәр билдәләүенсә, туған телде өйрәнеү уҡыусыларҙың зиһенен һәм ижади һәләттәрен, аралашыу мәҙәниәтен, туған телде аңлы рәүештә һәм дөрөҫ ҡулланыу мөмкинлектәрен үҫтереүгә, уларҙың коммуникатив һәләттәрен камиллаштырыуға булышлыҡ итә.
Дәреслектең тиражы Өфөнөң 28-се махсус коррекцион дөйөм белем биреү мәктәп-интернатында тәрбиәләнеүселәр өсөн тәғәйенләнгән.