Анна Ахматова иҫтәлегенә кисә

25 июнь махсус китапханала Анна Ахматованың тыуыуына 125 йыл тулыу айҡанлы хәтер кисәһе үтте.
Анна Андрей ҡыҙы Ахматова ХХ быуат рус әҙәбиәтенең билдәле шәхесе, шағирә, тәржемәсе һәм әҙәбиәтсе. Тыуған ере – Одесса. Тәүге шиғыры 1907 йылда Парижда рус телендә баҫтырылған «Sirius» журналында донъя күрә. Ә 1912 йылда “Кис” исемле тәүге шиғырҙар китабы сыға.
Бөйөк дан менән бергә яҙыусыға ҡайғылар ҙа килә. 1921 йылда ирен атып үлтерәләр, 1924 йылда уға әҫәрҙәрен баҫтырыуҙы тыялар. Шуға ҡарамаҫтан, Анна Ахматова исеме бөгөн дә тере һәм миллионлаған
кешеләрҙе илһамландырыусы шиғырҙары бар.
Сарала әҙибәнең “Музыка”, “Мөхәббәт”, “Егерме беренсе. Төн. Дүшәмбе...” һ.б. шиғырҙары, аудиояҙмалар яңғыраны.
Сара аҙағында шағирәнең тормошо һәм ижад юлы тураһында викторина үткәрелде. Китап уҡыусылар сәй аҙағында һорауҙарға яуап бирҙеләр, фекерҙәре менән уртаҡлаштылар.